Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ президент сечкиләринә республикачы намизәд Доналд Трамп иддиа едиб ки, нүвә анлашмасы нәтиҹәсиндә Америка елә бир иш ҝөрдү ки, Иран дүнјанын ири нефт еһтијатларындан бири кими Ирагын нәзарәтини әлә алмаг үчүн өзүнү һазырласын.
Трамп Иранын нүвә анлашмасына тохунараг дејиб: Биз иранлылара 150 милјард доллар гајтардыг вә әвәзиндә һеч нә алмадыг. Биз нечә илдән сонра дејил, бу анлашма барәдә онларла мүзакирәләрә башламаздан өнҹә өз мәһбусларымызы азад етмәли идик.
Трамп әлавә едиб: Бизим ахмаг лидерләримизин ахмагҹасына сијасәтләрлә ҝөрдүкләри иш нәтиҹәсиндә Иран өзүнү Ирагын нәзарәтини әлә алмаға һазырлајыр.
О, сонра дејиб: Нүвә анлашмасы спетриндә иранлылар һәр шеји өзләринә аид етмәк истәјирләр. Илләр боју Иран вә Ираг бир-бири илә мүһарибәдә идиләр, амма биз онлардан бирини арадан ҝөтүрдүк вә билмирик ки, инди орада нә баш верәҹәк вә сиз һазырда ҝөрүрсүнүз ки, бу иш нәтиҹәсиндә мүһаҹирләр бизим өлкәмизә вә бүтүн авропалы өлкәләрә ахышыблар.
Диггәт: Хәбәрдән истифадә етдикдә мәнбәјә истинад лазымдыр
