Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы кәшфијјат вә милли тәһлүкәсизлик назирлији Еттелаат мәлумат јајараг пајтахт Теһранда, һәмичинин Ислам Республикасынын диҝәр рајонларында ҝенишмигјаслы террор актлары төрәтмәји планлашдыран вәһһаби шејтани террорчу груплашмасыны бүтүн үнсүрләри илә бирликдә һәбс едиб.
Еттелаатын јајымладығы бәјанатда дејилир: “Аллаһ Тааланын инајәти вә оруҹ тутан халгымызын дуалары сајәсиндә тәкфирчи вәһһаби террор груплашмасынын ән бөјүк планлары һәзрәти Хәдиҹәи Күбранын (сәламуллаһи әлејһа) шәһадәт охшар вәфат ҝүнләриндә ифша едиләрәк зәрәрсизләшдирилди.
Пајтахт Теһран дахил олмагла вәтәнимизин мүхтәлиф әјаләтләриндә бомбалар јерләшдирмәк истәјән тәкфирчи-вәһһаби груплашмаларынын ән ири террор әмәлијјаты Имам Заман (Аллаһ Онун шәрәфли зүһуруну тезләшдирсин) һәзрәтләринин адсыз әскәрләринин Аллаһа тәвәккүлү, тәвәссүлү вә дуалары илә јанашы ҝеҹә-ҝүндүз чалышмаглары сајәсиндә вахтында зәрәрсизләшдирилиб. Чохлу сајда партлајыҹы маддәләрин мәнбәләри ашкарланыб вә зәбт едилиб.
Тәһлүкәсизлик мәсәләсинин там тәмин едимәсиндән сонра бу һагда әлавә мәлумат шәрафәтли иран Халгына вериләҹәк.
Имам Заман (Аллаһ Онун шәрәфли ҝәлишини тезләшдирсин) һәзрәтләринә хидмәт едән адсыз әскәрләримизин әмәлијјатлара давам вермәкдә сиз оруҹ тутан халгын хүсуси илә Гәдр ҝеҹәләриндә етдикләри дуаларына чох еһтијаҹлары вардыр.”
Еттелаатын иҹтимаијјәтлә әлагәләр шөбәси
Диггәт: Хәбәрдән истифадә етдикдә мәнбәјә истинад лазымдыр
