Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Рәсми Дәмәшг Франса вә Алманија гүввәләринин өлкәнин шималында јералмаларыны мәһкум едиб. Өкә ХИН-и Алманија вә Франса гүввәләринин Суријанын шималында ҹәм олма мәлуматына етираз едәрәк буну, өлкә һакимијјәтинә ачыг-ашкар тәҹавүз олараг гәләмә вериб.
Сурија ХИН-и билдириб: “Бу гүввәләрин террорла мүбаризә мәгсәди илә ҝәлмәләри бизи алдада билмәз. Чүнки террорла мүбаризә гануни јолла олан һәмкарлыгла мүмкүндүр. Неҹәки Сурија халгы һазырда торпагларынын гарыш-гарышында бу мүбаризәни апармагдадырлар вә буҝүнәдәк мүхтәлиф фәдакарлыглар ҝөстәрмишләр.”
Хариҹи Ишләр Назири даһа сонра террорун әсас дәстәкчиләринин мәһз гәрблиләр олдуғуну вурғулајара дејиб: “Бу өлкәләр өзләри террора дәстәк верәнләрдир вә бунунла мүбаризә апармаға бејнәлхалг сәвијјәдә мане олурлар. Онлар бәзи террорчулары гејри радикал гәләмә вермәклә, онлары гануни олараг тәгдим етмәк нијјәтиндәдирләр. Биз өлкәмизә тәҹавүз едәнләрә сәсләнирик; пәришан јухунуздан ајылын вә истисмарчылыг зеһнијјәтинизи кәнара гојун, чүнки о дөвр артыг битмишдир.”
Диггәт: Хәбәрдән истифадә етдикдә мәнбәјә истинад лазымдыр
