Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, шәнбә ҝүнү Рамана гәсәбәсиндәки 16 сајлы ҸЧМ-дәки 5 исламчы мәһбус "Тубзон"а апарылыб.
Белә ки, исламчы мәһбуслар; Тәрлан Ағададашов, Давуд Кәримов, Рөвшән Мәммәдов, Елшад Рзајев вә Телман Ширәлијевин "Тубзон"а көчүрүлмәләринин сәбәби 16 сајлы ҸЧМ-нин әмәлијјатчысы Зөһраб Сәмәдовла јаранмыш мүбаһисә сәбәб олуб. Тәрлан Ағададашовун атасы Фаигин билдирдији кими Јусиф Пејғәмбәрин филминин клубда нүмајиш етдирилмәсилә бағлы Зөһраб етираз етдикдән сонра, "зон"ун рәиси филмин нүмајишинә изин вериб. Бундан сонра Зөһраб Сәмәдов ПХ-ә мәрузә едибки, 16 сајлы ҸЧМ-дә "исламчыларын груплашмасы" вар, бунун гаршысыны алын. Бундан сонра ПХ ора мәсул шәхс ҝөндәрир вә о да, бәзи дустагларла ҝөрүшдүкдән сонра 5 нәфәрин "Тубзон"а, 3 нәфәрин исә "карс"а салынмасы баш верир."
Исламазери.аз олараг билдиририк ки, мәсәлә илә бағлы истәр Пенитенсиар Хидмәт, истәр 16 сајлы ҸЧМ, истәрсә Зөһраб Сәмәдовун мөвгејини јајымламаға һазырыг.
Гејд едәк ки, сәләфиләрин әввәлләр 16 сајлы ҸЧМ-дә тәблиғатлары ҝениш олуб, һиҹаб аксијаларындан сонра ора ҝедән һиҹаб мәһбуслары онларын тәблиғатына әсас манеә олублар. Сон аксијада һәбс олунан бу 5 нәфәр исә, сәләфиләрә гаршы даһа сәрт мөвгедә олараг онларын тәблиғатына мане олмаг үчүн әнәнәви исламы дустаглара таныдыблар.
Исламазери.аз-а адынын чәкилмәсини истәмәјән мәнбә билдириб ки, вәһһабиләр әнәнәви исламчылары "зон"лардан узаглашдырылмасы мүгабилиндә мүхтәлиф планлар ҹызыблар. Һәбсханаларда ИШИД, "Әл Гаидә" тәрәфдарларынын сајынын азалмасы вәһһабиләри нараһат едиб буна ҝөрә, әнәнәви исламы тәблиғ едән руһаниләр вә диндарлар ҸЧМ-ләриндән узаглашдырылмасы үчүн јени планлар ҹызырлар. "Зон"ларын рәисләри белә тәклифләрә разы олмајаҹағыны билдикләринә ҝөрә, даһа кичик мәмурлара өз тәклифләрини тәгдим едирләр.
Дүшүнүрүк ки, бу мәсәлә илә бағлы Дөвләтимизин лазыми гурумлары мәшғул олмалы, кичик мәмурларын објект вә бизнес саһәләриндә арашдырма апармалыдырлар. Чүнки, биздә олан бәзи мәлуматлара ҝөрә, бәзи "опер"ләрин маркетләри вә диҝәр објектләри вардыр вә вәһһабиләрин бу објектләрлә мүтәмади әлагәси вар. Одурки, биздә факт олмадығы үчүн лазыми гурумларын арашдырма апараҹағына үмид едирик.
Хатырадаг ки, март ајынын 19-да президентин әфв сәрәнҹамы илә азадлыға бурахылмыш Тофиг Јагублу 13 сајлы ҹәзачәкмә мүәссәсиндә радикал дини бахышлары илә сечилән шәхсләр барәсиндә медиаја(Јени Мүсавата) данышмышды: "Дустаглар арасында ИШИД-ә симпатијаны мән илк дәфә Шәкидә мүшаһидә етдим. Тәсәввүр един, ефирдә баш кәсмә сәһнәсини ҝөстәрирләр, дустаглар “Аллаһу әкбәр” дејә гышгырыр. Инанын, ҝәлирләр телевизорлара бахырлар. ИШИД-лә бағлы нәсә һәрәкәтли бир хәбәр оланда гүрур дујурлар, бир-бирини тәбрик едирләр. Јох, әҝәр ИШИД-лә бағлы һансыса әмәлијјат ҝедибсә, гүввәләри зәифләјибсә, бунлар гәмҝинләшир."
Диггәт: Хәбәрдән истифадә етдикдә мәнбәјә истинад лазымдыр
_573881c7daf37.jpg)
