Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасы лидери Мөвсүм Сәмәдов Мәбәс бајрамы мүнасибәти илә тәбрик мәктубу үнванлајыб. Тәбрик мәктубу дүнән Мәбәс Ҝүнү мүнасибәти илә Азәрбајҹан Ислам Партијасынын тәшкилатчылығы кечирилән бајрам тәдбириндә охунуб.
Тәбрик мәктубунун мәтнини сизләрә тәгдим едирик:
Бисмиллаһир Рәһманир Рәһим
“Әзиз мәҹлис иштиракчылары, меһрибан гардаш вә баҹыларым, һамынызы саламлајырам. Мүбарәк Мәбәс бајрамы мүнасибәтилә сизләри, бүтүн мүсәлманлары башда Имам Заман Аға (ә.ф.) олмагла вә онун һагг наибини, хүсуси олараг шәһидпәрвәр, Әһли-бејт ашиги олан әзиз Азәрбајҹан халгыны сәмими гәлбдән тәбрик едирәм.
Бизләрә бәллидир ки, пејғәмбәрләрин әсас миссијасы инсанлара һаггы чатдырмаг вә онлары һәр нөв тағутдан чәкиндирмәк олуб. Тарих боју һагла батилин мүбаризәсини биз дә мүшаһидә етмишик. Бу ҝүн халгымыз да бу мүбаризәни јашамагдадыр.
Ҹәмијјәтин дәрдини чәкмәк вә бу јолда аддымламаг һәмин бесәтин бизләрә олан бөјүк сифаришидир.
Дүшүнмәмәлијик ки, мәһрумијјәт вә сыхынтыларда биз нәји исә итиририк, әксинә, Илаһи тофиг вә иззәт бу јолла һасил олур. Әҝәр бир мүсәлман јашадығы ҹәмијјәтин мүгәддәратына лагејд оларса, онда һәмин ҹәмијјәтин иҹтимаи һәјатын бүтүн сфераларында ҝирифтар олмасы лабүддүр. Бу ҝүн ҹәмијјәтдә өз һаггыны тәләб етмәк руһијјәсини јашатмаг үчүн өлкәмизин бүтүн диҝәр сијаси партыјаларыјла бәрабәр АИП-ин дә бөјүк мәсулијјәти вардыр.
Әзиз мәҹлис иштиракчылары, мән фүрсәтдән истифадә едәрәк доғма Гарабағ торпагларымыз уғрунда вурушараг шәһид олан гардашларыма Худавәнди-мутәал тәрәфиндән рәһмәт вә мәғфирәт диләјирәм. Үмидварам ки, шәһидләримизин Вәтән уғрунда төкүлмүш ганлары халгымызын башы үзәриндә олан дахили вә хариҹи манеәләрдән азад олмасына бөјүк сәбәб олаҹаг.
"Нәсрун минәллаһ вә фәтһун гәриб"
Аллаһын көмәјилә гәләбә јахындыр!
Һөрмәтлә: Һаҹы Мөвсүм Сәмәдов
Диггәт: Хәбәрдән истифадә етдикдә мәнбәјә истинад лазымдыр
_5727594de9fd3_572b266974aa1.jpg)
