Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Ингилабы Корпусунун (Сепаһ) “Хатәмүл-Осија” Һава Һүҹумундан Мүдафиә гәрарҝаһынын тәмсилчиси Әзим Ибраһимпур дејиб: "Һал-һазырда Иранда ракетләрин дөјүш вәзијјәтинә ҝәтирилмәси о һәддә чатдырылыб ки, һәтта биз 8 дәгигәдән аз бир мүддәтдә Теләвиви јерлә јексан едәрик”.
“Тесним” хәбәр аҝентлијинин мәлуматына ҝөрә, Әзим Ибраһимпур билдириб ки, 5+1 өлкәләринин һәрби сечимә әл атмасы Иран Ислам Республикасы үчүн әһәмијјәтли дејил: "Онлар билирләр ки, әҝәр бизә гаршы јөнәлмиш ән хырда һадисә белә баш версә Америкада 1200 тәсбит етдијимиз һәдәфи 48 саатын ичиндә јер үзүндән силәрик”.
Гејд едәк ки, Иран Ислам Республикасы сон вахтлар бир нечә ракет сынағы кечириб. Бу сынаглар гәрб сијаси даирәләриндә етиразлара сәбәб олуб вә иш о јерә чатыб ки, АБШ конгресиндә бу сынаглар сәбәбиндән Ислам Республикасына гаршы јени санксијаларын тәтбиг едилмәсинә даир ганун лајиһәси ирәли сүрүлүб.
Диггәт: Хәбәрдән истифадә етдикдә мәнбәјә истинад лазымдыр
