Әһли Бејт (әлејһимус сәлам) -АБНА- Хәбәр Аҝентлиј- “Ҝәнҹләрин Рәҹәб ајында кечирилән етикаф мәрасимләриндә иштиракы ҝөзәл бир мәнзәрәдир. Рәҹәб вә Шәбан ајларында инсан бүтүн диггәтини Аллаһа јөнәлдиб, Уҹа Јараданын Варлығыны бүтүн гәлби илә һисс етмәјә наил олса, өзүнү бүтүн һалларда Танрынын битиб-түкәнмәјән Елминин һүзурунда һисс етсә, мүбарәк Рамазан ајында бәндәләрин һеч бириндән әсирҝәнмәјән Илаһи зијафәтдә јүксәк сәвијјәдә иштирак едә биләҹәк.
Халгын мүхтәлиф тәбәгәләрини тәмсил едән инсанларын, өзәлликлә дә ҝәнҹләрин илаһи бир әнәнә олараг Рәҹәб ајында кечирилән етикаф мәрасимләриндә (Рәҹәб ајынын 13, 14 вә 15-и “Ҹаме Мәсҹиди”ндә јеринә јетирилән мүстәһәб әмәл) иштиракы ҝөзәл бир мәнзәрәдир. Ингилабын бүтүн бәрәкәт вә наилијјәтләри бу мәнәви-руһи еһтијат әсасында әлдә олунуб.
Мәрһум Имам Хомејнинин (р.ә) дүнјанын зоракы гүввәләри гаршысында мүгавимәти, халгы һәјәҹана ҝәтирмәк, һәрәкәтә кечирмәк баҹарығы вә тәгдирәлајиг ҝүҹү онун өз Рәбби илә ҝеҹәләрин дәринлијиндә, ихласла пајлашдығы ҝөз јашы, ибадәт вә минаҹатлара сөјкәнирди.
Мән дәфәләрлә демишәм ки, гәдр ҝеҹәләриндә, етикаф ҝүнләриндә, мүбарәк Рамазан бајрамы ҝүнү гылынан намаз мәрасимләриндә инсанын һеч ҝүманына белә ҝәлмәјәҹәк шәхсләрин гәлбләринин диггәтини Аллаһа јөнәлдәрәк ибадәт етдикләринин шаһиди олмаг мүмкүндүр.
Али Рәһбәр Ајәтуллаһ Сејјид Әли Хаменеи
Диггәт: Хәбәрдән истифадә етдикдә мәнбәјә истинад лазымдыр
