Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русијанын Балтик донанмасынын “Су-24М/МР” бомбардманчы-кәшфијјатчылары Американын “Доналд Ҹоок” ескадра минадашыјаны әтрафында бир нәшә дәфә дөврә вуруб.
Һадисә Балтик дәнизиндә, Калинград саһилинин тәхминән 70 км-дә апрелин 11-дә баш вериб.
Америка тәрәфи Русија тәјјарәләринин “Доналд Ҹоок” ескадра минадашыјаны әтрафында учмасыны писләјиб.
“Ағ Ев һадисәдән хәбәрдардыр. Бу бејнәлхалг су вә һава мәканында бир-биринә јахын мәсафәдә јерләшән һәрби гүввәләрин пешәкар нормаларына мүвафиг дејил”, – Ҹ.Ернест билдириб.
Хатырладаг ки, буна бәнзәр һадисә 2014-ҹү илин апрел ајында да баш вермишди.
Белә ки, 2014-ҹү илин апрелин 10-да ескадра минадашыјаны Гара дәнизә чыхыб, сәфәр Крымда баш верән һадисәләрлә бағлы бејнәлхалг ҝәрҝинлијин кәскинләшмәси илә әлагәдар иди.
Апрелин 12-дә Русија ҹәбһә бомбардманчысы “Су-24М” бир саатдан чох вахт әрзиндә ескадра минадашыјанын јанындан кечиб.
“Доналд Ҹоок” – АБШ Һәрби дәниз гүввәләринин дөрдүнҹү нәсил ескадра минадашыјаныдыр, онун әсас силаһы – идарә едилән ракетләрдир.
Бу мүһарибәдән сонра күтләви истеһсал едилән ҝәмидир, 1988-ҹи илдән индијә гәдәр 62 ҝәми инша едилиб, даһа 13 ҝәминин иншасы исә планлашдырылыр.
Диггәт: Хәбәрдән истифадә етдикдә мәнбәјә истинад лазымдыр
