Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын функсионерләри бир мүддәт өнҹә гурумун Гобустан Гапалы типли Һәбсханасында сахланылан лидери Һаҹы Мөвсүм Сәмәдовла ҝөрүшмәк үчүн рәсми мүраҹиәт үнванлајыблар. Һәбсхана әмәкдашлары һәмин мүраҹиәти мәнфи ҹавабландырараг ҝөрүшә иҹазә вермәјибләр.
Буну нәзәрә алан партија сәлаһијјәтлиләри дүнән Азәрбајҹан Республикасы Әдлијјә Назирлији Пенитенсиар Хидмәтин рәис вәзифәсини иҹра едән Һүсејн Әлиханова вә Гобустан Гапалы Типли һәбсхананын рәиси, әдлијјә полковники Фикрәт Гафарова Мөвсүм Сәмәдовла ҝөрүш мәгсәдилә рәсми мүраҹиәт үнванлајыблар.
Мүраҹиәтдә Азәрбајҹан Республикасы Ҹәзаларын Иҹрасы Мәҹәлләсинин 81.7-ҹи вә һәмин мәҹәлләнин диҝәр мүвафиг маддәләринә әсасән мәһкумун гоһумларынын, диҝәр шәхсләрин онунла ҝөрүшүнүн мәгсәдәујғун һесаб едилмәси гејд олунмуш, мәһкум Сәмәдов Мөвсүм Мәрдан оғлунун достлары илә Гобустан һәбсханасында ҝөрүшүнә шәраит јарадылмасы истәнилиб.
Гејд едәк ки, Азәрбајҹан Ислам Партијасынын сәдри Һаҹы Мөвсүм Сәмәдов 2011.01.02 тарихдә өлкәдә баш алыб ҝедән Мәсҹидҝобија, Һиҹабфобија сијасәтләринә, коррупсијанын баш алыб ҝетмәсинә, ишсизлијиә, вәтәндашларын чөрәкпулу газанмаг үчүн хариҹи өлкәләрә дидәрҝин дүшмәсинә, тәһсилин ашағы сәвијјәдә олмасына, Гарабағ проблеминин јатыздырылмасына вә с. мәмур өзбашыналыгларына етираз әламәти олараг етдији тарихи чыхышындан сонра һәмин илин 07 јанвар ајында һәбс едиләрәк 2011, Јанварын 19-да дөвләт чеврилишчинә ҹәһд етмәк маддәси илә ШӘРЛӘНӘРӘК Бакы Ағыр Ҹинајәтләр Мәһкәмәсинин 2011-ҹи ил 04 нојабр тарихли ӘДАЛӘТСИЗ һөкмү илә 12 ил мүддәтинә азадлыгдан мәһрум едилмишдир. О, һазырда Гобустан Гапалы Типли һәбсханада сахланылыр. Һүгуглары кобуд шәкилдә позулур.
Диггәт: Хәбәрдән истифадә етдикдә мәнбәјә истинад лазымдыр
