Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Исламинсеси-нә "Милли Мәнәви Дәјәрләр" Иҹтимаи Бирлијинин мәтбуат хидмәтиндән бу һагда мәлумат дахил олуб.
Бәјанатда дејилир:
"Сон ҝүнләр ермәниләр нөвбәти тәхрибатлара әл атараг мүлкү вәтәндашларымыза, евләрә вә ҹәбһә бөлҝәсиндәки әразиләримиздә һүҹум етмәк истәмиш, диверсијаларынын баш тутаҹағы нијјәтилә аддым атмышлар. Лакин ордумузун рәшадәтли вә шәһадәтсевәр забит вә әсҝәрләри тәрәфиндән сарсыдыҹы ҹаваб зәрбәләри онларын бу нијјәтләрини үрәкләриндә гојмуш, јүзләрлә дашнак мәһв едилмиш, диҝәрләри исә гәсб етдикләри бәзи әразиләри гојуб гачмаға башламышлар.
Беләҹә бәзи әразиләримиз дүшмән ишғалындан тәмизләнмиш вә илк гәләбәмизи газанмышыг. Һазырда да, дөјүшләрин ҝетдији бир вахтда, халгымызын һәр бир нүмајәндәси дүшмәнә ендирилән ҹаваб зәрбәләринә дәстәк вермиш вә вермәкдәдир. Бу севинҹин давамлы олмасы үчүн аналарымыз ҝөзүјашлы дуаларында, мәрд ҝәнҹ вә аталарымыз исә сәфәрбәрлик еланыны ҝөзләмәкдәдир.
Биз, "Милли-Мәнәви Дәјәрләр" Иҹтимаи Бирлијинин идарә һејәти вә үзвләри олараг Гарабағын азадлығы вә дүшмәнин ҹәзаландырылмасы әмәлијјатларына ҝөрә, Ордумузу дәстәкләјир, јанында олдуғуну әрз едир вә бу дөјүшләрдә дөвләтимизин марагларыны горумаға һазыр олдуғумузу бәјан едирик. Хатырлатмаг истәјирик ки, тәшкилатымызын гуруҹусу шәһид гардашы кими даима өз чыхышларында Гарабағ вә шәһидлик мәктәбиндән данышар, шәһид Мүбариз Ибраһимовун шәһадәтиндән сонра онун евинә илк күтләви зијарәт тәшкил етмәклә шәһидлик вә вәтәнә олан мәһәббәтини сүбут етмишдир.
ММДИБ-нин тәсисчиси Һаҹы Абҝүл Сүлејманов бу ҝүнләр үчүн ҝөзјашлары ичиндә дуа едәр вә Гарабағын азадлығыны мәһз рәшадәтли әсҝәрләримиз вә шәһидлик руһијјәсилә алынаҹағыны гејд едәрди. Үмид едирик ки, бу ҝүнләр милләтимизин милли вәһдәт ҝүнүдүр вә бу ҝүндә милли-мәнәви руһијјәнин јүксәлдилмәсинә бөјүк ролу олан шәхсләр арамызда, јанымызда һазыр олмалыдырлар. Бир даһа, бу гәләбәләр мүнасибәтилә халгымызы тәбрик едир, ордумуза Аллаһдан иззәтли дөјүш, гәләбә, ҝүҹ арзу едирик.
Шәһидләримиз үчүн Аллаһ Тәаладан бөјүк әҹрләр истәјир, онлары Аллаһ јанында ән үстүн шәһидләрин сырасына салынмасыны арзу едирик. Шәһид аиләләринә исә, дәрин һүзнлә башсағлығы верир, сәбр диләјирик.
Үмид едирик ки, гәләбә Аллаһын изнилә јахындадыр..."
Диггәт: Хәбәрдән истифадә етдикдә мәнбәјә истинад лазымдыр
