Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ишғалчы Ермәнистан ордусунун һәрби гуллугчусу Грант Маркосјан "Азадлыг" радиосунун Азәрбајҹан хидмәтинә мүсаһибәсиндә белә дејиб: “Серж, Гарабағ бизим әразимиз дејил. Ора һеч сәнин дә әразин дејил. Бу, Азәрбајҹанын торпағыдыр вә биз башгасынын торпағы уғрунда өлмәк истәмирик.”
Радионун бир нечә ај өнҹә һазырладығы репортажда Ермәнистанда ҝәнҹләрин Гарабағда дөјүшмәк истәмәдикләри дејилир.
“Ҝәнҹләр башгасынын торпағына ҝөрә өлмәк истәмирләр вә һәрби хидмәтдә оланларын әксәријјәти көнүллү сүрәтдә Азәрбајҹан тәрәфинә кечирләр. Онлар Азәрбајҹана кечәрәк, үчүнҹү өлкәјә ҝетмәк имканындан истифадә едирләр. Ермәни ордусунда белә бир дејим вар: “Дағлыг Гарабағ Азәрбајҹанын торпағыдыр”. Онлар өз ҹанлары баһасына бу торпаг уғрунда дөјүшмәк истәмирләр”, - дејә репортажда билдирилир.
Репортажда ишғалчы Ермәнистан ордусунун һәрби гуллугчусу Грант Маркосјанын фикирләринә јер верилир.
“Серж, Гарабағ Азәрбајҹанын торпағыдыр. Ора нә бизим, нә дә сәнин дејил. Биз башгасынын торпағына ҝөрә өлмәк истәмирик. Бу торпаглары саһибинә - Азәрбајҹана гајтар. Чүнки ора һеч вахт бизим олмајыб”, - дејә һәрби гуллугчу ачыг шәкилдә билдирилир.
Радио әлавә едир ки, ермәни һәрбичиләри Бејнәлхалг Гызыл Хач Комитәси васитәсилә Азәрбајҹана кечәрәк, Гәрб өлкәләриндә сығынаҹаг алырлар: “Ән пис һалда онлар гоншу Ҝүрҹүстана сығына билирләр”.
Диггәт: Хәбәрдән истифадә етдикдә мәнбәјә истинад лазымдыр
