Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јәмән ордусу вә Әнсаруллаһ һәрәкатынын гүввәләри Һәҹҹаһ әјаләтиндә тәшкил етдикләри әмәлијјатда Сәудијјә режиминин ән аз 378 муздлусуну өлдүрүбләр.
Мәлумата ҝөрә, әмәлијјатла бағлы Јәмәнли һәрби рәсмиләрдән бири билдириб ки, әмәлијјат заманы Сәудијјә муздлуларына аид хејли сајда һәрби сурсат вә техника да, мәһв едилиб.
Һәрби мәнбә ишғалчы гүввәләрин сон ики ҝүндүр реҝионда Сәудијјәнин дөјүш тәјјарәләри тәрәфиндән һавадан дәстәкләнмәләринә бахмајараг, ирәлиләјә билмәдикләрини дејиб.
Бу арада Түркијә мәтбуатында ҝедән хәбәрләрә ҝөрә, Јәмәндәки Әл-Гаидә террор тәшкилаты јараглыларынын өлкәнин ҹәнубундакы Әбјан вилајәтинин Занзибар шәһәриндә нәзарәт етдикләри бәзи мәркәзләрдән ҝеријә чәкилмәјә башлајыб. Амма хәбәрдә јараглыларын һара ҝетдикләри барәдә мәлуматын олмадығы гејд олунуб.
Бөлҝә сакинләри Әл-Гаидә јараглыларынын нәзарәтдә сахладыглары бәзи мерија бинасы, мәһкәмә вә тәһлүкәсизлик мәркәзләрини бошалдараг, әшјаларыны автомобилләрә гојдугларыны сөјләјибләр.
Өлкәдәки Әл-Гаидә лидерләриндән олан Әбу Һәмзә Әз-Зәнҹәбари ләгәбли Ҹәлал Бәлидинин өлдүрүлмәсиндән сонра, террор тәшкилаты Абјан рајонуну тамамилә нәзарәтә алдығыны билдирмишди.
Диггәт: Хәбәрдән истифадә етдикдә мәнбәјә истинад лазымдыр
