Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ил 26 Ганлы Нојабр, Нардаран Фаҹиәсиндән сонра Хырдаланда шәхси мәнзилиндә һәбс олунан Илаһијјатчы вә Гуран Һафизи Һаҹы Зүлфүгар Микајылзадәнин, Нарадаран Фаҹиәсиндә Нарадаран гәсәбәсиндә һәбс олунан "Мүсәлман Бирлији Һәрәкаты" тәшкилатынын сәдри Тале Бағыровун вә Нардаран Ганлы Олајындан бир мүддәт габаг 2015, нојабрын 5-дә сахланылараг һәбс олунан "Мүсәлман Бирлији Һәрәкаты”нын сәдринин мүавини Елчин Гасымов барәсиндә сечилмиш һәбс гәтимкан тәдбиринин мүддәти узадылыб.
Белә ки, Илаһијјатчы Һаҹы Зүлфүгар Микајылзадәнин һәбс мүддәти 2 ај артырылыб. Һазырда о, Бакы Истинтаг Тәҹридханасында (Күрдәханы) сахланылыр.
Нәсими Рајон Мәһкәмәсиндә "Мүсәлман Бирлији Һәрәкаты"нын һәбсдә олан сәдри Тале Бағыровун барәсиндә верилмиш һәбс-гәтимкан тәдбиринин мүддәтини 4 ај узадыб. Тале Бағыровун вәкилинин мәлуматына ҝөрә мүвәккили Тале Бағыровун һәбсдә сахлама мүддәти 26 ијун 2016 ҹы ил тарихәдәк узадылды. Вәкил һәмчинин Т. Бағыровун өзүнү тәгсирли билмәдијини вә гәрардан апеллјасија шикајәт едәҹәјини билдириб.
Һәмчинин Нәсими Рајон Мәһкәмәсинин гәрары илә, Елчин Гасымовун барәсиндә сечилмиш һәбс гәтимкан тәдбиринин мүддәти дә, ики ај артырылыб.
Е.Гасымовун мүдафиәчиләри мәһкәмә гәрарындан апеллјасија шикајәт версәләр дә, лакин Бакы Апеллјасија Мәһкәмәси шикајәти тәмин етмәјиб.
Хатырладаг ки, Һаҹы Зүлфүгар Микајылзадә 2011-ҹи илдә АИП үзвләринин ШӘРЛӘНӘРӘК һәбс олунмасы заманы һәбс олунмуш, 2011-ҹи илин октјабр ајында 5 ил сынаг мүддәти тәтбиг олунмагла 11 ил шәрти һәбс ҹәзасына мәһкум олунмушду. Шәрти мүддәтинин битмәсинә бир ај галмыш, Ганлы Нардаран Олајлары заманы евиндә сахланылараг мәһкәмәјә апарылыб. Мәһкәмә исә, онун һаггында 3 ајлыг һәбс гәти-имкан тәдбири сечмишди.
“Мүсәлман Бирлији Һәрәкаты” адлы тәшкилатын сәдри Талеһ Бағыров, өтән ил нојабрын 26-да Нардаран гәсәбәсиндә Илһам әлијевин бир баша нәзарәти илә полисин кечирдији ҸИНАЈӘТ ӘМӘЛИЈЈАТ заманы тәрәфдарлары илә бирликдә сахланылыб. Е.Гасымов исә нојабрын 5-дә сахланылыб. О, Инзибати Хәталар Мәҹәлләсинин 310-ҹу (полис ишчисинин гануни тәләбинә гәсдән табе олмама) маддәсини позмагла ШӘРЛӘНИЛИБ вә 30 ҝүн мүддәтинә инзибати һәбс ҹәзасы алыб. Даһа сонра Нәсими Рајон Мәһкәмәсинин гәрары илә Е.Гасымов барәсиндә үч ајлыг һәбс гәтимкан тәдбири сечилиб.
Е.Гасымов барәсиндә Ҹинајәт Мәҹәлләсинин 221.2.2 (Хулиганлыг, иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә төрәдилдикдә) вә 315.1 (Һакимијјәт нүмајәндәсинә хидмәти вәзифәләрини јеринә јетирәркән һәјат вә сағламлыг үчүн тәһлүкәли олмајан зор тәтбиг етмәклә мүгавимәт ҝөстәрмә, хидмәти вәзифәләрини јеринә јетирмәси илә әлагәдар она вә ја онун јахын гоһумларына гаршы белә зор тәтбиг етмә вә ја зор тәтбиг етмә һәдәси илә һәдәләмә) маддәләрилә ҹинајәт иши башланылыб.
Диггәт: Хәбәрдән истифадә етдикдә мәнбәјә истинад лазымдыр
