Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ајәтуллаһ Ваиз Тәбәси өтән ҝүн 80 јашында Мәшһәд шәһәриндә хәстәханаларын бириндә вәфат едиб.
Ајәтуллаһ Ваиз Тәбәси Иранда Ислам Ингилабынын әрсәјә ҝәлмәсиндә атдығы мүһүм аддымлардан әлавә һәм дә өлкәдә вә Ислам дүнјасында әхлаг устады кими танынырды. Онун мөизәләринин мәнәви тәсири Иранда вә Ислам дүнјасында ачыг ашкар ҝөрүнүр.
Алим Ислам Ингилабынын Баниси Имам Мусәви Хомејни тәрәфиндән Хорасан әјаләтләринә вә Имам Рзанын зијарәтҝаһына нүмајәндә вә рәһбәр тәјин едилмишди. Ајәтуллаһ Мусәви Хомејнинин Ваиз Тәбәсијә бөјүк рәғбәти вар иди.
О, ҝөрүшләринин бириндә Ваиз Тәбәсијә дејиб: “Мәним сәнә бағлылығым вар, бири сәнин өзүнә ҝөрә, бири дә валидејнләринә ҝөрә”
Ајәтуллаһ Ваиз Тәбәсинин дөврүндә Мәшһәддә Имам Рза зијарәтҝаһы мисилсиз дәрәҹәдә ҝенишләндирилмиш вә зијарәтҝаһын имканлары артырылмышдыр.
Диггәт: Хәбәрдән истифадә етдикдә мәнбәјә истинад лазымдыр
