Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, старты 26 Нојабр 2015 тарихдә верилән вә бир баша Илһам Әлијевин нәзарәти илә һәјата кечирилән “Нардаран Әмәлијјаты”нын давамында даһа 32 нәфәр сахланылыб.
Нардаран гәсәбә сакинләринин вердији мәлумата ҝөрә, гондарма әмәлијјат Сабунчу рајон полис идарәсинин 42-ҹи полис бөлмәси ҹинајәткарлары тәрәфиндән мартын 1-дә кечирилиб. Әмәлијјат заманы 32 нәфәр сахланылараг Сабунчу рајон полис идарәсинә апарылыб.
“Әмәлијјатын кечирилмәсинә сәбәб Нардаран гәсәбәсинин мәркәзи һесаб едилмәјән дар күчәләриндә, даланларда күчә диварларына "Аллаһу Әкбәр", "Ја Әли" вә "Ја Һүсејн" сөзләринин јазылмасыдыр.”- дејә Нардаран сакинләри билдирибләр.
Дахили Ишләр Назирлијинин мәтбуат хидмәтинин рәис мүавини Еһсан Заһидовун сөзләринә ҝөрә, һазырда Нардаранда һәр шеј нәзарәт алтындадыр: “Һүгуг-мүһафизә органлары тәрәфиндән гәсәбәдәки криминоҝен дурума там нәзарәт олунур. Садәҹә олараг, Нардаран һадисәләри илә бағлы галдырылмыш ҹинајәт иши үзрә апарылан истинтаг-әмәлијјат тәдбирләринин давамы олараг диндирилмәләринә зәрурәт јаранмыш 7 нәфәр сахланылыб”.
Хатырладаг ки, өтән ил нојабрын 26-да Ганлы Нардаран хүсуси әмәлијјат нәтиҹәсиндә “Мүсәлман бирлији” ады алтында ганунсуз фәалијјәт ҝөстәрән тәшкилатын рәһбәри Т.Бағыров вә гурумун 13 үзвү сахланылыб. Әмәлијјат заманы 2-си полис олмагла 7 нәфәр полис ҹинајәткарлары тәрәфиндән Шәһадәтә јетирилиб.
Ҝүнаһсыз јерә сахланылан шәхләр барәсиндә 4 ај мүддәтинә һәбс гәтимкан тәдбири сечилиб. Фактла бағлы Баш Прокурорлуг јанында Ағыр Ҹинајәтләрә Даир Ишләр үзрә Истинтаг Идарәсиндә ҹинајәт иши башланылыб вә сахланылан 14 нәфәр Ҹинајәт Мәҹәлләсинин 120 (гәсдән адам өлдүрмә), 214 (террорчулуг), 220 (күтләви иғтишаш), 228 (ганунсуз олараг одлу силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә), 233 (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), 278 (һакимијјәти зорла әлә кечирмә вә ја ону зорла сахлама), 283 (милли, ирги, сосиал вә ја дини нифрәт вә дүшмәнчилијин салынмасы) вә 315-ҹи (һакимијјәт нүмајәндәсинә гаршы мүгавимәт ҝөстәрмә вә зор тәтбиг етмә) маддәләри илә ШӘРЛӘНӘРӘК мүвәггәти тәҹрид бөлмәсинә апарылыблар.
Диггәт: Хәбәрдән истифадә етдикдә мәнбәјә истинад лазымдыр
