Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнја базарында нефтин гијмәтинин кәскин уҹузлашмасы вә долларын баһалашмасындан сонра Азәрбајҹан һөкумәти мүхтәлиф хәрҹләрә гәнаәт етмәјә башлајыб. Бунлардан бири дә пајтахтда електрик енержисинә гәнаәт едилмәси илә бағлыдыр.
Гәнаәт планы шәһәрин мәркәзи күчәләриндә дә һисс едилир. Белә ки, пајтахтын Сәбаил, Јасамал, Абшерон вә с. кими рајонларында әввәлләр ҝеҹә саатларына гәдәр сөндүрүлмәјән ишыглар инди даһа тез сөндүрүлүр.
Мәсәлән, сакинләрин даһа чох үз тутдуглары “Тарговы” кими танынан Низами күчәсиндә әввәлләр ишыглар ҝеҹәјә кими јанырдыса, инди гәнаәт етмәк үчүн саат 22:00-да сөндүрүлүр.
Јасамал рајонунда, Академик Милли Драм Театры әтрафындакы күчәләрдә исә ишыглар әввәлләр ҝеҹә саат 03:00-да сөндүрүлүрдүсә, инди буну 00:00-да едирләр.
“Тарговы”нын ишыглары сөндүрүлмүш мәнзәрәсини сизә тәгдим едирик:
Бакы Шәһәр Ишыг Идарәсинин (БШИИ) Сәбаил рајон шөбәсинин мүдири Шаһмурад Мәммәдов да факты тәсдигләди вә бунун гәнаәт мәгсәдилә едилдијини деди.
“Нәинки, Сәбаил рајонунда, үмумијјәтлә, пајтахтын бүтүн әразиләриндә гәнаәт мәгсәди илә ахшам саат 22:00-дан сонра ишыглар сөндүрүлүр”.
Диггәт: Хәбәрдән истифадә етдикдә мәнбәјә истинад лазымдыр
