Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, манатын доллар гаршысында кәскин дәјәр итирмәси фонунда баш верән сосиал-игтисади бөһран олигарх мәмурлар үчүн Азәрбајҹанын офшор ҹәннәти олмасыны сүбут етди. Тәсадүфи дејил ки, 2015-ҹи илин февралында биринҹи девалвасијанын дағытдығы “һакимијјәтин игтисади инкишаф галасы”нын төр-төкүнтүләри јығышдырылмамыш 10 ил әрзиндә Азәрбајҹандан 95 милјард доллар дөвләтә мәхсус вәсаитин чыхарылмасы факты ачыгланды.
“Ҹүмһуријәт” хәбәр верир ки, АБШ-ын “Ҝлобал Финанҹиал Ынтеҝритј” Тәдгигат Тәшкилатынын һазырладығы хариҹә гејри-гануни капитал ахыны һәјата кечирилән өлкәләрин сијаһысында Азәрбајҹанын да ады јер алды. Тәдгигат 2004-2013-ҹү илләр арасында апарылыб вә бу мүддәт әрзиндә Азәрбајҹандан 95 милјард доллар гејри-легал јолларла чыхарылыб. Пулларын һансы мәгсәдләр үчүн оғурландығы башга бир јазынын мөвзусудур, лакин фактын илҝинҹ тәрәфи будур ки, тәдгигатын нәтиҹәси Елдар Маһмудовун Милли Тәһлүкәсизлик Назирлијинә башчылыг етдији дөнәмләри әһатә едир. Е.Маһмудов мәһз тәдгигатын башладығы һәмин дөнәмдә МТН-нә рәһбәрлик етмәјә башлајыб.
“Ҝлобал Финанҹиал Ынтеҝритј” һесабаты Азәрбајҹанда кечирилән МТН әмәлијјатларынын пик һәддә олдуғу дөнәмдә тәгдим етмишди. Һакимијјәт тәрәфиндән ҝөзләнилән зәрбәјә мәруз галан Елдар Маһмудов да бу әмәлијјатларда “вурулду”. Сәлаһијјәтләри әлиндән алынан ҝенерал һәбс олунмаса да, ҹидди формада нәзарәтә ҝөтүрүлдү. О, МТН рәһбәри олдуғу дөнәмдә саһибкарлара гаршы рекетчилик едиб, күлли мигдарда зоракы јолларла пул мәнимсәмәкдә иттиһам олунур. Лакин бу ҝүнә кими өлкәдә игтисади бөһранын дәринләшдији вахт мәнимсәдији вә мүәјјән каналлар васитәсилә өлкәдән чыхардығы пуллар ҝери гајтармыр. Ҝенералын бу ҝүнәдәк хүсуси нәзарәтдән чыхарылмамасы да ону ҝөстәрир ки, Маһмудов бу пуллары ҝери гајтармагда мараглы дејил.
Експертләрин фикринҹә, сабиг назирин дүшүнҹәсинә ҝөрә бу, ону һәм һәбс тәһлүкәсиндән узаглашдырыр, һәм дә өлкәдән чыхардығы бу пуллар һесабына јаратдығы әлаһиддә статусда галмасыны тәмин едир.
Хатырладаг ки, Һакимијјәтдә анти-Гәрб истеријасынын ән өндә ҝедән әсҝәрләриндән бири кими танынан Елдар Маһмудовун оғлунун 30 милјон фунт-стерлинг (тәхминән, 48 милјон доллар) дәјәриндә мүлкүнүн дә Лондонун мәркәзиндә “тапылмасы” диггәтдән кәнарда галмамалыдыр. Амма бу, неҹә дејәрләр, һәлә “журналыдыр”, чүнки Маһмудовларын тәкҹә дашынмаз әмлакынын әсас, тәхминән јарым милјард долларлыг һиссәси Авропанын диҝәр өлкәләриндә – Испанија вә Чехијададыр.
Диггәт: Хәбәрдән истифадә етдикдә мәнбәјә истинад лазымдыр
