Әһли Бејт (әлејһимус сәлам) -АБНА- Хәбәр Аҝентлији- Ислам дини паклыға диггәт јетирдији кими һеч бир дин вә мәктәб бу һәддә диггәт јетирмир. Һәтта тәмизлијә ријаәт етмәки һәм мадди һәм дә мәнәви варлы олмасына бир баша тәсир ҝөстәрән амил кими ачыглајыр.
Белә ки, Бөјүк Ислам Пејғәмбәри һәзрәт Муһәммәд ибн Әбдуллаһ (сәлләллаһу әлејһи вә алиһ ) бујуруб:
غَسلُ اِلاناءِ وَ طَهارَةُ الفِناءِ يورِثانِ الغِنى؛
Габлары јумаг вә һәјәти тәмизләмәкин һәр икиси инсаны варлы едәр.
(Нәһҹүл Фәсаһә сәһ. 584 һәдис 2031)
Бир вахтлар бүтүн евдар гадынларынын әлинин алтында “палтар сабуну” оларды. Онлар бу сабундан тәкҹә палтар јумаг үчүн истифадә етмәздиләр. Әҝәр бу мөҹүзәви васитә сиздә јохдурса, о заман гәпик-гуруша олан бу сабуну тезликлә әлдә етмәјинизи сизә дә мәсләһәт ҝөрүрүк.
Ашағыда верәҹәјимиз мәсләһәтләри ағлынызын бир көшәсинә јазын. Чүнки бир нәслин инсанлары мәһз бу васитәдән мүтәмади олараг истифадә едибләр.
1. Әҝәр узун вә сых сачлара саһиб олмаг вә јахуд кәпәкдән хилас олмаг истәјирсәнсә, о заман “палтар сабуну”ндан тәсирли васитә тапмаг гејри-мүмкүндүр. Әввәлҹә шампундан истифадә ет, даһа сонра исә сачларына сабун вур. Сабуну сачларыныздан јујун вә сон олараг, суја 1-2 чај гашығы үзүм сиркәси гатылмыш су илә јахалајын. Бу үсул һәм дә јағлы сачлары олан инсанлар үчүн фајдалыдыр.
2. Депилјасијадан сонра дәриниздә сәпкиләрин әмәлә ҝәлмәмәси үчүн дәрһал һәмин јерә “палтар сабуну” сүртүн.
3. Һеч олмаса һәфтәдә 2 дәфә бу сабунла јујунун. Бу, дәринизин ҹаван галмасына јардым едәҹәк. Јујундугдан сонра үзүнүзә ушаг креми вурун. Белә јујунмаларын еффекти әвәзолунмаздыр.
4. Душ гәбул етмәји севәнләр үчүн мәсләһәт. Бухарда јумшалмыш ҹилдинизи бу сабундан һазырланмыш суја кисәни батырараг сүртсәниз, ҹилдиниздәки мәсамәләрә долмуш чиркләр тамамилә тәмизләнәр.
5. Сојугдәјмәнин илк әламәтләрини һисс едәркән, бу сабуну чох аз һәддә әридиб, суја гатын. Памбыгдан дүзәлдилмиш тампона батырыб, бурун дәликләринә јерләшдирин.
6. Бу васитә һәм дә ҝөбәләк хәстәликләринин гаршысыны тамамилә алыр. Зәдәләнмиш јери сабуна батырылмыш диш фырчасы илә јахшы-јахшы тәмизләјин, даһа сонра һәмин јери јодлајын.
7. Диш фырчанызы бу сабунла јујун вә бир гат сабун үзәриндә галмаг шәртилә ҝеҹәдән сәһәрәдәк сахлајын. О, бүтүн микроблары мәһв едәҹәк.
8. Шишын јатмасы үчүн, еләҹә дә ҝөјәрмиш јерләринизи бу сабундан һазырланмыш мәһлул васитәсилә сүртүн. Бу просеси ҝүндә 2 дәфә етмәк мәсләһәтдир.
9. Иринләнмиш јерә јатмаздан әввәл 1:1 нисбәтиндә рәндәләнмиш соған, палтар сабуну вә шәкәр тозуну гарышдырыб маз шәклинә салырсыныз вә сүртүб, бинтләјирсиниз.
10. Дабанын чатламыш јеринә 2 литр гајнар суја 1 чај гашығы сода вә 1 хөрәк гашығы сүртүлмүш палтар сабунуну гарышдырыб “ванна” едирсиниз.
11. Ҝүнәшдән јанан ҹилдинизә “палтар сабуну” сүртүн вә гурумағыны ҝөзләјин. Бу дәринин јандығы јери бәрпа едәҹәк вә учугламасына имкан вермәјәҹәк.
12. Дәринин јағланмасы әлејһинә бу сабунун супер еффекти вар.
Диггәт: Бу сабундан һәр ҝүн дә истифадә етмәк лазым дејил, чүнки дәрини гурутдуғундан чох истифадә едилмәси дүзҝүн дејил.
Ҝөрүндүјү кими, “палтаг сабуну” кими таныдығыныз бу васитә мин дәрдә чарә ола билир.
Диггәт: Хәбәрдән истифадә етдикдә мәнбәјә истинад лазымдыр
