Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шиәнин шүҹаәтли, гәһрәман ҝүҹлү сәркәдәси, фәсаһәтли шаири, гүдрәтли дөјүшкәни ејни заманда өз гәбиләсинин мүдрик башчысы Ибраһим ибни Малик Әштәр Нәх`и (Нәх` тајфасындан олан Малик Әштәрин оғлу Ибраһим рәһмәтуллаһи әлејһима) мәгбәрәси онун 72 –ҹи Һиҹри Гәмәри илиндә, 11 ил Кәрбәла Фаҹиәсиндән сонра, мәркәзи режими Шамда (Суријада) јерләшән мәлун Әмәви гасибләри илә мүбаризәдә иҝидҹәсинә Шәһид олдуғу мәканда (Самирра шәһәринин Бағдада ҝедән гәдим маҝистирал јолу јахынлығында) јерләшир.
Гејд едәк ки, Ибраһим ибни Малик Әшәри Мухтар Сәгәфинин (рәһмәтуллаһи әлејһ) гијамынын гәләбә чалмасында әбәссиз рол ојнамыш вә Ислам Пејғәмбәринин (сәлләллаһу әлејһи вә алиһ) доғма баласы һәзрәт Имам Һүсејнин (әлејһи сәлам) мәнфур гатилләрини бир бир ҹәһәннәмә васил етмишдир.
Шејх Туси (гәддәсәллаһу нәфсәһу зәкијјә) “Әмали” китабында Мәдаинидән белә Нәгл едир ки, Аллаһын (ҹәллә ҹәлалуһ) вә бүтүн мәхлугатын ләнәтинә ҝәлмиш Ибни Зијады Малик Әштәрин оғлу Ибраһим тәк бә тәк дөјүшдә әввәл голларын кәсдикдән сонра башын бәдәниндән ајырды.
Муһәммәд Кәшши “Риҹалул Кәшши” китабында Имам Зејнул Абидинин (әлејһимә сәлам) оғлу Өмәрдән (админ: Билдирәк ки, мәсумларымыз бу кими адлары өвладларына гојмагдан чәкинмәјибләр) белә нәгл едир: “Үбејдуллаһ ибн Зијадын кәсилмиш башын Имам Зејнул Абидинин (әлејһи сәлам) јанына ҝәтирилди, О сәҹдәјә ҝедиб бујурду: Аллаһ һәмд олсун ки, интигамымы дүшмәнләримдән алды! Аллаһ Мухтара хејр версин!”
Диггәт: Хәбәрдән истифадә етдикдә мәнбәјә истинад лазымдыр
