Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Илһам Әлијевин бирбаша нәзарәти илә Азәрбајҹанда Азанын Мәсҹидләрдән верилмәсинә гадаға, Мәсҹидләрин сөкүлмәси, гадын вә гыз ушагларынын Һиҹабларына гадаған гојулмасы, Азәрбајҹан Ислам Партијасы Лидери Доктор Мөвсүм Сәмәдов башда олмагла јүзләрлә диндар вә руһанинин ШӘРЛӘНӘРӘК һәбс едилмәси, 2015, Ганлы 26 Нојабр Шиә Сојгырымында Нардаран гәсәбәсинин дөвләт тәрәфиндән игтисади мүһасирәјә алынмасы вә ҝүнаһсыз инсанларын Шәһид олмасынын ардыјҹа режим Илаһинин вәд вердији ачыг-ашкар әзаблара тәдриҹән дүчар олур. Манатын девалвасијасы бу Илһаи әзабын бир кичик һиссәсидир. Белә ки, девалвасијанын ардыјҹа Азәрбајҹан Республикасынын рајонлары етираз митингләринә галхырлар. Ләнкәран, Сијәзән, Физули, Ағсу рајонларынын ардыјҹа бу ҝүн Јанварын 15-дә Губада бир груп сакин гијмәтләрин баһалашмасына етираз олараг аксија кечириб.
Аксијачылар мәркәздәки “Көһнә автовағзал” дејилән јерә топлашараг ишсизликдән әзијјәт чәкдикләрини, банк кредитләрини өдәјә билмәдикләрини, үнванлы сосиал јардым ала билмәдикләрини билдирибләр.
Јерли иҹра башчысы вә мүавинләри аксијачылары динләјәндән сонра онлардан дағылышмағы истәјиб. Амма аксијачылар буна мәһәл гојмајыб вә Губа-Бакы јолуну бағламаға ҹәһд ҝөстәрибләр.
Әразијә ҹәлб едилән дахили гошунлар су шырнағы вә ҝөзјашардыҹы газла ҹамааты дағыдыб. Күчәләрә дахили гошунлар нәзарәт етмәјә башлајыб.
Адынын чәкилмәсини истәмәјән рајон сакини дејиб: “Етиразчылары “дубинка” илә дөјдүләр. Һалбуки, онлар полисә мүгавимәт ҝөстәрмирдиләр, садәҹә олараг, өз һүгугларындан истифадә едәрәк аксија кечирирдиләр. Амма полис “дубинка”, су шырнағы вә ҝөзјашардыҹы газдан истифадә етди”.
Дахили Гошунлар әразидә галмагда давам едир. Һәбс олунанлар вар, амма онларын дәгиг сајы бәлли дејил.
Диггәт: Хәбәрдән истифадә етдикдә мәнбәјә истинад лазымдыр
