Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гнлы 26 Нојабр Нардаран Фаҹиәси заманы Шәһадәт хәбәри чыхан Аббас Һүсејнин Анасы баш прокурора мүраҹиәт едиб.
Мүраҹиәтдә Дејилир:
"Азәрбајҹан Республикасынын Баш Прокурору ҹәнаб Закир Гаралова
Ҹәнаб Баш прокурор!
Оғлум Һүсејнов Аббас Мәммәдбағыр оғлу Нардаран һадисәләри илә бағлы 26 нојабр 2015-ҹи илдә һәбс едилиб. О вахтдан оғлумдан хәбәр ала билмирик. Дәфәләрлә бандотделә ҝетмишәм дејирләр бурда јохдур, күрдаханы түрмәсинә ҝедирәм орада јохдур. Мәндән һеч бир пал палтар, совгат гәбул олунмур.
Ики ҝүн өнҹә бизә мәлумат вердиләр ки, бандитизм идарәсиндә оғлума о гәдәр ишҝәнҹә верибләр ки, аз галыб өлсүн. Ҹәнаб Гаралов, сизиндә өвладларыныз вар. Оғлума ишҝәнҹә верәнләриндә өвладлары вар. Мән Аллаһыма сығынырам, оғлума вә о бири ушаглара наһагдан террор дамғасыны вуранлары Уҹа Танрыја тапшырырам.
Аллаһын әдаләтинә инанырам. Бу мәмләкәтдә әдаләт ахтармаға ҝүманым галмајыб. Мән өвдалыдымы истәјирәм. Мәни өвладымла ҝөрүшдүрүн, мәнә зәнҝ еләсин, сәсини ешидим. Буну тәләб едирәм.
Аббас Һүсејновун анасы Рәһимә Һүсејнова".
Гејд едәк ки, Ганлы Нардаран Олајлары заманы Аббас Һүсејнин дә Шәһид олдуғу билдирилирди. Амма аз сонра исә, гардашы тәрәфиндән иҹтимаи шәбәкәләрдә Аббас Һүсејнин Шәһид олмадығы хәбәри сүрәтлә јајылды.
Диггәт: Хәбәрдән истифадә етдикдә мәнбәјә истинад лазымдыр
