Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Шәрги Азәрбајҹан әјаләтиндә 25-ә јахын Мәсҹиддә Нардаран Шәһидләринин 40 мәрасими кечирилди.
Тәбриз халгы тәрәфиндән кечирилән мәҹлисләрдән бири дә, Азәрбајҹан консуллуғунун јахынлығында јерләшән Имам Ҹәфәри Садиг (әлејһи сәлам) Мәсҹидиндә кечирилиб.
Мәҹлисдә иштирак едән јүзләрлә мөмүн шәхсләр арасында мәҹлиси зинәтләндирән шәхсләрдән бири дә, мәһз Тәбризин Имам Ҹүмәси Ајәтуллаһ Шәбистәри олуб.
Мәҹлисдә чыхыш үчүн сөз Азәрбајҹан Республикасынын тәләбәләриндән олан Һөҹҹәтүл Ислам Тоһид Ибраһимбәјлијә верилиб. О, Ислам дүнјасынын сон һадисәләри барәсиндә 30 дәгигә чыхыш едиб.
“Ислам сәрһәд танымыр. Мәзлумларын сәсинә сәс вермәк һәр бир вижданлы инсанын вәзифәсидир. Јәһуди гадынын ајағындан халхалы гопардан заман орда олан кишиләрин сәси чыхмадығы үчүн, Һәзрәти Әли бујурур ки, кишиләрин о лагејдлијинә инсанын үрәји партласа јери вар. Мән шәхсән Иранда бу мәҹлисләри көнүллү шәкилдә тәшкил едән инсанлара өз миннәтдарлығымы билдирирәм...”- дејә Ибраһимбәјли билдириб.
Сонда Һөҹҹәтүл Ислам Тоһид Ибраһимбәјли Вәлијји фәгиһин нүмајәндәләри, Тәбризин вә Әәрдәбилин Имам ҹүмәләри олан Ајәтуллаһ Шәбистәри вә Ајәтуллаһ Сејјид Һәсән Амилидән дәрин тәшәккүрүнү билдирәрәк, онларын әлләриндән өпүдүјүнү гејд едиб.
Диггәт: Хәбәрдән истифадә етдикдә мәнбәјә истинад лазымдыр
