Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сәудијјә вәһһаби режими Әһли Бејт (әлејһимус сәлам) Мәктәбинин танынмыш Алими Ајәтуллаһ Шејх Багир әл Нимри едам етдикдән сонра Али Тәглид Мәрҹәләри бу ҹинајәти писләјән бәјанатларла чыхыш едибләр.
Ајәтуллаһ Нури Һәмәдани билдириб ки, Сәудијјә режими бу аддымы илә бүтүн Әһли-бејт (ә) давамчыларына вә әһли-сүннәјә һәгарәт едиб. "Али-Сәуд бу аддымы илә Сурија, Ираг, Иран, Ливан вә диҝәр јерләрдә Әһли-бејт (ә) давамчылары вә Әһли-сүннәјә һәгарәт едиб".
Ајәтуллаһ Мәкарим Ширази билдириб ки, бу хәбәр бүтүн Ислам дүнјасыны дәрин үзүнтү вә кәдәрә гәрг едиб. "Ајәтуллаһ Нимрин дәһшәтли едам хәбәри бүтүн Ислам дүнјасыны үзүнтү вә кәдәрә гәрг етди. Әҝәр индијә гәдәр кимләрсә Сәудијјә режиминин Исламы ләкәләдијинә даир тәрәддүддә идисә, бу онлара ајылмаг үчүн сигналдыр".
Ајәтуллаһ Сүбһани чыхышында билдириб ки, бу хәбәр бүтүн мүсәлманларын гәлбини јаралајыб: "Ајәтуллаһ Нимрин шәһадәти бүтүн мүсәлманларын гәлбини јаралајыб. Шејх Нимр садәҹә олараг Сәудијјәдә олан Әһли-бејт (ә) давамчылары үчүн даһа јахшы һәјат истәјирди. Бу өлкәдә јашајан Әһли-бејт (ә) давамчылары бөјүк мәһдудијјәтләрә мәруз галыр".
Ајәтуллаһ Сафи Ҝүлпәјгани билдириб ки, Али-Сәуд режими бунунла өз сонуну јахынлашдырыб: "Али-Сәуд билмәлидир ки, Әһли-бејт (ә) алиминин мәзлумҹасына ахыдылан шәһадәт ганы Ислам дүнјасында даһа бөјүк ојаныша сәбәб олаҹаг вә онларын чөкүшүнү јахынлашдыраҹаг".
Ајәтуллаһ Ҹавади Амули дә Шејх Нимрин едам едилмәсини писләјиб вә бу мүбариз руһанинин едам олунмасы үзрә гәрарын иҹра олунмасынын Али-Сәуд режиминин сүгутуна зәмин јаратдығыны сөјләјиб.
Диггәт: Хәбәрдән истифадә етдикдә мәнбәјә истинад лазымдыр
