Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ниҝерија режиминин әдаләтсиз мәһкәмәси Ниҝерија Ислам Һәрәкатынын Баш Катибини ШӘРЛӘЈӘРӘК она гаршы “суи-гәсдә тәшәббүс вә иҹтимаи иғтишашлара чағырыш” иттиһамын ирәли сүрүб.
Мәлумата ҝөрә, Әрбәин мәрасиминдән сонра Ниҝерија режиминин али баш команданын нәзарәти илә, орду гүввәләри тәрәфиндән Зарија мәнтәгәсиндә төрәдилән сојгырымда ағыр јараланан Ајәтуллаһ Шејх Зәкзаки вә тәрәфдарларындан бир нечә нәфәри Ниҝерија али мәһкәмәсиндә һазыр олублар вә мәһкәмәдән сонра јенидән һәбсханаја гајтарылыблар.
Мәһкәмә гапалы кечирилдији үчүн мәһкәмәнин ҹүзијјаты, Шејх Зәкзакинин өзүнү мүдафиә етмәси вә ја вәкилинин данышмасы барәдә мәлумат верилмәјиб.
Ниҝерија полисинин сөзчүсүнә истинадла верилән мәлуматда әлавә олунур: Шејх Зәкзәки бу мәһкәмәдә мәкрли план вә иҹтимаи асајиши позмагдан иттиһам олунуб.
Хатырладаг ки, Шејх Зәкзаки 13 декабр, 2015 тарихдә Ниҝерија тәһлүкәсизлик гүввәләринин Зарија шәһәриндә мүәммалы шәкилдә онун мәнзилинә дәһшәтли һүҹум тәшкил етдикдән сонра һәбс едилмишдир. Һәбс заманы күтләви сүрәтдә әлијалын силаһсыз Шиәләр Шәһид едилмиш вә Шејх ҝөз вә синә наһијјәсиндән ҝүллә јарасы алараг ағыр ајраланмышдыр. Һәмчинин Шејхин 3 оғлу вә бир гызы да бу һүҹумда Шәһид олмуш ханымынын исә ағыр јараландығы дејилир.
Ниҝерија тәһлүкәсизлик гүввәләри бу һадисәдән бир ҝүн сонра Зариа шәһәриндә јенидән Шиәләрин дини мәрасиминә һүҹум едир. Онларын Мәсҹид вә Һүсејнијјәләринә од вурараг јандырыб арадан апарыр.
Гејд едәк ки, бу ики һүҹум нәтиҹәсиндә ики миндән артыг Шиәнин Шәһид олдуғу билдирилир.
Диггәт: Хәбәрдән истифадә етдикдә мәнбәјә истинад лазымдыр
