Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нардаланда шиә вә әзадарлары тапталадыгдан сонра Азәрбајҹан дөвләти Аллаһын әминаманлыг еви олан Мәсҹидләри бағламышдыр. Ајә вә рәвајәтләрә әсасән Мәсҹид тәкҹә ибадәт үчүн дејил, сосиал функсијаја да маликдир. Лакин дин мөвзусуна јад олмасына бахмајараг Сијавуш Новрузов ,,Мәсҹид тәкҹә ибадәт јеридир,,- дејә һөкм верир.
Азәрбајҹанын дөвләт адамлары Мәсҹиди сосиал функсијасындан узаг сахламаг үчүн јери ҝөјә јамајыр. Гаршыја белә бир суал чыхыр ки, ишғалчы ермәниләр, ваһабиләр, сионистләр вә онларын нөкәрләри, о ҹүмләдән Азәрбајҹан һөкумәти мәсҹиддән нијә бу гәдәр горхурлар? Мәсҹидин күфрә гаршы мүбаризәдә ојнадығы ролу нәзәрдән кечирмәклә мәлум олур ки, тарих боју батилә гаршы мүбаризә Мәсҹиддән нәшәт алмышдыр.
Бу Илаһи Мәкан дүнјанын Азадә инсанларыны гүввәтләндирмишдир. Буна ҝөрә дә мүстәмләкәчиләр, дахили вә хариҹи дүшмәнләр Исламы мәһв етмәк үчүн Мәсҹид чырағыны сөндүрмәк фикринә дүшүмүшләр. Имам Хомејнинин кәламы да һәмин һәгигәти бәјан едир: Бунлар Мәсҹиддән горхур, мән өз вәзифәми јеринә јетирир вә сизә дејирәм ки, сиз университет ишчиләри вә тәләбәләр, ҝедин Мәсҹидләри долдурун. Сәнҝәр бурадыр, сәнҝәрләри бош гојмамалыјыг. Мәсҹидләр ингилабларда, зүлмә гаршы мүбаризәдә, хүсусилә мүасир дөврдә тәјинедиҹи рол ојнајыр. Пејғәмбәрин васитәсилә илк Мәсҹидин јаранма тарихини нәзәрдән кечирсәк, ҝөрәҹәјик ки, бу Мәсҹидин тикилмәси Пејғәмбәрин мүшрикләрлә мүбаризә дөврүнә тәсадүф едир. О һәзрәт өз тарихи мүбаризәсинин давамы олараг Мәдинәјә ҝәлмәк һәмән мүгәддәс бир бинаны тикдирди ки, мүбаризәнин бир һиссәси онунла давам етсин.
Демәк Мәсҹид тикмәк Ислам Пејғәмбәринин мүбаризә дөврүндә башланмыш вә кафирләрә гаршы мүбаризә мәркәзинә чеврилмишди. Буна ҝөрә вә Мүсәлманлар үчүн бу мүгәддәс мәканын шәнини нәзәрә алараг демәк олар ки, әһалинин мадди вә мәнәви һәјатында ән бөјүк ролу мәсҹидләр ојнајыр. Мүсәлманларын тарихи дә һәмин мөвзуну тәсдиг едир. Иран тарихиндә дә чохлу нүмунәләр вардыр вә јазымызын давамында онун хүласәсини верәҹәјик.
Диҝәр мүсәлман өлкәләрдә дә мәсҹидләрин белә бир ролу олмушдур. Мисал үчүн мсҹид Мисирдә мүсәлман гардашлары партијасынын трибунасы олмушдур. Бу партијанын рәһбәри Һәсән Әлбәка өлдүрүлдүкдән сонра һөкумәтин тәзјиги нәтиҹәсиндә Мүсәлман Гардашларын јығынҹаг мәркәзи јалныз Мәсҹидләр олмушду. Бу Мәсҹидләрдән бири Гаһирәнин ҹаме мәсҹиди иди. Партијачылар ҹүмә намазыны һәмин Мәсҹиддә гылырдылар. Онлар тәблиғат үчүн Мәсҹидин имканларындан истифадә едирдиләр. Һәсән Әлбәна 1925-ҹи илдә ,,Әшшәбанүлһүсејн,, журналында чап етдирдији илк мәгаләсиндә билдирирди: мәсҹид ән мүһүн тәлим-тәрбијә вә нәфси тәмизләмә васитәләриндән биридир.
Иранда Ислам Ингилабы ҹәрәјанында да ислам һәрәкатынын формалашмасы, сабитләшиб дәринләшмәси вә инсанларда дәјишикликләрин јаранмасында мәсҹидләр биринҹи рол ојнамышдыр. Мәсҹид тәкҹә шаһлыг үсул-идарәсинә гаршы мүбаризәнин формалашмасында дејил, һәм дә әзәмәтли Ислам Ингилабынын үч он иллијинә, хүсусилә 8 иллик мүдафиә дөврүнә диггәт јетирдикдә белә бир гәнаәтә ҝәлмәк олар ки, Мәсҹид һәмишә мүдафиә пирамидинин башында олуб, сонра исә гәрбин мәдәни һүҹумунда, бу вә ја диҝәр формадакы басгынларында вә мәдәни НАТО-сунда Мәсҹидин команданлыг, дини-мәдәни гәраҝаһ ролуну ојнамасы инкар едилмәздир. Мәсҹидләрин бу дијарын әһалисинин әсил Мәһәммәд Исламыны, Дини вә Мәдәни инамларыны горумагдакы јери јүксәк олмушдур.
Диггәт: Хәбәрдән истифадә етдикдә мәнбәјә истинад лазымдыр
