Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бакынын Сабунчу рајонунун Нардаран гәсәбәсиндә режимин ҝүҹ-мүһафизә органлары тәрәфиндән Шиәләрә гаршы нөвбәти дәфә ҹинајәтхаректерли әмәлијјат кечирилиб.
Сүлаләнин адәт вә әнәнәләринә ујғуб олараг режимин ҝүҹ-мүһафизә органлары Гәсәбәдә ики мәнзилдән хејли сајда силаһ “ашкарлајыб”.
Шиәләрә гаршы апарылан әмәлијјат режимин Дахили Ишләр Назирлијинин Ҹинајәт Ахтарыш Идарәси, Чевик Полис Алајы, Баш Мүтәшәккил Ҹинајәткарлыға Гаршы Мүбаризә Идарәси, Сабунчу Рајон Полис Идарәси муздурлары тәрәфиндән кечирилиб.
Сахланылан шәхсләр Нардаран гәсәбәсиндә јашајан Балаәли Һүмбәтов, Сәрдар Бүнјатов, Әләсҝәр Һәсәнов вә Наһид Бәһрәмовдур. Трендин мәлуматында Н. Бәһрәмов Нардаран сакини кими ҝөстәрилсә дә, лакин Апа-нын мәлуматында о Ҹәбрајыл рајон сакини кими ҝөстәрилир.
Режим чиновникләринин билдирдијинә ҝөрә, “әмәлијјат заманы” Нардаран гәсәбә сакини, 1998-ҹи ил тәвәллүдлү Һүмбәтов Балаәли Тасим оғлунун јашадығы евин зирзәмисиндән 2 әдәд 16 аклибир патрон вә 1 әдәд ов бычағы, гәсәбә сакини, 1966-ҹы ил тәвәллүдлү Бүнјатов Сәрдар Зејналабдин оғлунун јашадығы евин һәјәтиндән исә 36 әдәд тапанча патрону ашкар едилиб.
Мәлумата ҝөрә, Ҹәбрајыл рајон сакини Н. Бәһрамов Тале Бағыровун тәрәфдашларындан олуб. Онун Талеһ Бағыровла бир нечә дәфә телефон әлагәси јаратдығы гејд олунуб. Лакин Н. Бәһрамов Нардаранда баш вермиш һадисәләр заманы орада олмајыб. Бундан әлавә, Н. Бәһрамов 2012-ҹи илдә Бакыда Тәһсил Назирлијинин бинасы гаршысында кечирилән “Һиҹаба азадлыг!” аксијасында да иштирак едиб вә һәмин вахт һәбс едиләнләр сырасында олуб.
О, Ҹинајәт Мәҹәлләсинин 214.2.1-ҹи (Террорчулуг, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән төрәдилдикдә) вә диҝәр маддәләр илә ШӘРЛӘНИЛИР.
Гејд едәк ки, Балаәли Һүмбәтов, Сәрдар Бүнјатов, Әләсҝәр Һәсәнов сүлалә режиминин Ҹинајәт Мәҹәлләсинин 228-ҹи (Ганунсуз олараг силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә) маддәси илә ШӘРЛӘНӘРӘК һаггларында ҹинајәт иши башланыб вә барәләриндә мәһкәмәнин гәрары илә 4 ај мүддәтинә һәбс гәтимкан тәдбири сечилиб.
Хатырладаг ки, сионистјөнлү Илһам вә онун һаким кәсилдији режим 2015-ҹи ил, Нојабрын 26-да Бакынын Нарадаран гәсәбәсиндә режимин ҝүҹ-мүһафизә органлары тәрәфиндән Шиәләр гаршы хүсуси амансыз әмәлијјат кечирәрәк, Имам Һүсејн әзадарлығына ҹәм олмуш сивил Шиәләрә Намаз үстүндә силаһла басгын едәрәк илкин мәлумата ҝөрә 5 Шиәни Шәһид етмиш вә Тале Бағыров олмагла јанашы 14 нәфәри јаралы сүрәтдә ҝөтүрәрәк намәлум истигамәтә апармышдыр.
Билдирәк ки, адынын ачыгланмамасыны истәјән ресурсун билдирдијинә ҝөрә, Нардаран һадисәсиндә режимин Шиәләрә гаршы апардығы силаһлы һүҹумун тәби алынмасындан өтрү ики полис әмәкдашлары тәрәфиндән өлдүрүлүб. Сонрадан исә, полисләр тәрәфиндән өлдүрүлән һүгуг-мүһафизә әмәкдашларынын гаты Шиә олдуглары мејдана чыхмышдыр.
Диггәт: Хәбәрдән истифадә етдикдә мәнбәјә истинад лазымдыр
