Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Тәбризин бир груп тәләбәси вә Имам Заман (әҹ) Мәсҹидинин намазгыланлары ганлы Нардаран фаҹиәси шәһидләринә һәср олунмуш мәрасим кечирәрәк онларын хатирәсини әзиз сахлајыб вә јахынларынын дәрдинә шәрик чыхыблар.
Бир груп тәләбә вә Имам Заман (әҹ) Мәсҹиди намазгыланларынын тәшәббүсү илә кечирилән бу мәрасимдә, мәрасимин натиги Нардаран гәсәбәсиндәки ганлы фаҹиәни писләјәрәк бу дәһшәтли һадисәни ајәләр вә рәвајәтләр призмасындан бәјан едиб вә әлавә едиб: Биз Азәрбајҹан Республикасы һөкумәтини бу ганлы фаҹиәнин баш вермәсинин әсас мүгәссири һесаб едир вә исламчы гурбанларын ҝүнаһсызлығыны вурғулајырыг.
Һөҹҹәтүлислам Әмҹәди буилки мәһәррәм ајы ҝүнләриндә Азәрбајҹан Республикасынын Ҝәнҹә шәһәриндә Һүсејн (ә) әзадарларынын һәбс олунмасына тохунараг бу өлкә президентинә хитабән дејиб: Бизим Азәрбајҹан Республикасы президенти Илһам Әлијевдән чохлу ҝөзләнтимиз вардыр. Чүнки о савадлы вә тәһсилли шәхсдир вә мүтләг Рза Шаһ кими зоракы шәхсләрин агибәтини билир.
Һөҹҹәтүлислам Әмҹәди ганлы Нардаран фаҹиәсини сон илләрдә Азәрбајҹан Республикасы исламчылары илә мүбаризәдә ән өнәмли һадисә гијмәтләндириб вә әлавә едиб: Һиҹаб мәсәләсиндә дә Һаҹы Мөһсүн Сәмәдов, Һаҹы Абҝүл Сүлејманов кими лајигли руһаниләр узунмүддәтли һәбсләрә мәһкум олундулар. Һазырда да Азәрбајҹан һөкумәти радикаллыг вә терроризмлә мүбаризә бәһанәси илә азәрбајҹанлы руһаниләри тәзјиг алтында сахламагла диндар күтләјә гаршы ајры-сечкилик вә тәзјиг сијасәтинә јени рәнҝ гатмышдыр.
Һөҹҹәтүлислам Әмҹәди сөзләринин сонунда ҝүнорта вә әср намазыны гылмагда олан әһалијә доғру атәшиин ачылмасы вә бир нечә нәфәрин шәһид олмасы илә бағлы Азәрбајҹан һөкумәтинин сон һәрәкәтинә тохунуб вә әлавә едиб: Бу фаҹиә шәһидләри өз мөвлалары Әмирәл-мөминин Әлијә (ә) игтида едиб вә ваҹиб намазыны гылдығы заман Аллаһа ҹаныны тапышырыблар. Буна ҝөрә биз дә бу дәһшәтли ҹинајәти тәнгид едән вә өз етиразларыны билдирән гоншу өлкәләрин диҝәр мүсәлманлары кими дејирик ки, бу јолда сизинлә бирликдәјик вә сиз шәһидләрин амалларына дәстәјимизи елан едирик.
Диггәт: Хәбәрдән истифадә етдикдә мәнбәјә истинад лазымдыр
