Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, јәһуди мәсләк әлијевләр режимин һүгуг-мүһафизә органларынын муздурлары Имам Һүсејнин (әлејһи сәлам) 40 мәрасиминә топлашан сакинләрини “Рәһимә ханым зијарәтҝаһы”ндан чыхарыб.
Нардаран Ағсаггаллар Шурасынын сәдри Натиг Кәримов Мәсҹиддә јүзләрлә адамын олдуғуну дејиб: “Һазырда гәсәбәдә Дахили Гошунларын әсҝәрләри вә хүсуси тәјинатлылар вар.
Гошунлар бурдадыр, һәлә ҝетмәјибләр. Полисләр Мәһәррәм ајы илә бағлы Нардаран пиринә топлашанлары чөлә чыхарыб. Полис әмәкдашларынын дедијинә ҝөрә, бунун үчүн хүсуси әмр вар. Дүнәндән 400 ханым үчүн еһсан сүфрәси һазырланыб. Ханымлары да пирдән чыхарыблар. Һазырланан азугәләри бир тәһәр пајласалар да, ҝөрүлән тәдарүкләр елә-белә ортада галыб. Белә аддымлар атмаг өлкә рәһбәрлијинә гаршы мәнфи рәј формалашдырмагдыр. Ким ҹинајәт едибсә, тәмизләнмә иши апарсынлар”.
Мәлуматымыза ҝөрә, Нардаран гәсәбәси һәлә дә газ, су вә електрик енержиси илә тәмин олунмајыб. Ҹамаат сојугдан донур...
Ҹәназәләрин дәфн олунмасына ҝәлинҹә, Гәсәбә ағсаггалларындан олан Натиг Кәримов гејд едиб ки, ҹәназәләр һагда үмумијјәтлә мәлумат верилмир: “Бу ҹәназәләр һарада, кимин иштиракы илә, неҹә дәфн олунду? Һеч олмаса, өләнләрин аиләләриндән, гоһумларындан дәфнә апармаг лазым иди. Һакимијјәт өз сәһвини дүзәлтмәлидир...”
Кәрбәлаи Натиг даһа сонра әлијевләр сүлаләсинин “Нардаранлыларда силаһ вар” ҝүлүнҹ иддиасына ишарә едәрәк билдириб: “Нардаранда киминсә силаһ сахламасы вә ҝәздирмәси гәтијјән мүмкүн дејил. Мәҝәр мән билмирәм кимдә силаһ вар? Кимин евиндә силаһ олса, тәк-тәк евини ҝәзиб, полис ҝәлмәмиш силаһы ондан алыб, өзүм тәһвил верәрәм. Бизә силаһ лазым дејил...”
Диггәт: Хәбәрдән истифадә етдикдә мәнбәјә истинад лазымдыр
