Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, анти-Ислам әлијевләр режими бу ҝүн ҝүнорта радәләриндә Нардаран фаҹиәсини төрәтдикдән сонра режимин Баш Прокурорлуғу вә ДИН-и һәјата кечиртдикләри ҹинајәт һадисәси үзәринә пәрдә чәкмәк нијјәти илә, Шиә Руһаниләрини ШӘРЛӘЈӘН бәјанат јајымлајыб.
Гондарма бәјанатда режим структурлары Шиә алимләрини фаҹиәнин әсас амили кими гәләмә вермәјә чалышырлар.
Гондарма бәјанатда дејилир:
Мүәјјән олунуб ки, Талеһ Камил оғлу Бағыров, Елман Сејдәмир оғлу Ағајев, Зүлфүгар Сәдрәддин оғлу Микајылов вә Әбүлфәз Һејдәт оғлу Бүнјатов дөвләтин конститусија гурулушунун зорла дәјишдирилмәси, шәриәт ганунлары илә идарә едилән дини дөвләт гурулмасы мәгсәдилә “Мүсәлман бирлији” адлы һәрәкат јаратмышлар. Адлары чәкилән шәхсләр Бакы шәһәриндән вә республиканын диҝәр бөлҝәләриндән өзләринә тәрәфдарлар топламыш, онлары мүхтәлиф нөв одлу силаһ, дөјүш сурсаты, партлајыҹы маддә вә гурғуларла тәҹһиз едәрәк ҹинајәткар дәстә тәшкил етмишләр. Һәмчинин пајтахтын Нардаран гәсәбәсиндә ганунсуз јығынҹаглар кечирәрәк республиканын әһалисини һакимијјәтә гаршы галдырмағын јолларыны мүзакирә етмиш, бунунла бағлы тәрәфдарларына ҝөстәришләр вермиш вә әһалијә чағырыш вәрәгәләри пајламышлар. Силаһлы ҹинајәткар дәстәнин һәр бир үзвүнүн үзәринә дүшән конкрет вәзифәләр, о ҹүмләдән һакимијјәт нүмајәндәләринә гаршы террор актлары төрәдәҹәк мәсул шәхсләр мүәјјән едилмишдир.
Гејд едиләнләр нәзәрә алынараг һәмин шәхсләрин тутулмасы мәгсәдилә, 2015-ҹи ил, нојабрын 26-да Дахили Ишләр Назирлији тәрәфиндән Бакы шәһәринин Нардаран гәсәбәсиндә хүсуси әмәлијјат кечирилмишдир. Әмәлијјат заманы полис әмәкдашларына силаһлы мүгавимәт ҝөстәриләрәк автомат силаһлардан атәш ачылмыш, әл гумбарасы атылмышдыр. Һүҹум едәнләрин давамлы атәшинә ҹаваб олараг хүсуси әмәлијјат групу тәрәфиндән хидмәти силаһдан истифадә едилмәклә ҹинајәткар дәстәнин 4 үзвү мәһв едилмиш, даһа бир нечә нәфәри јараланмышдыр.
Әмәлијјатын кечирилдији әразидә, силаһлы ҹинајәткар дәстәнин тәрәфдарларынын чохалмасына бахмајараг, полис ишчиләри өз хидмәти вәзифәләрини сонадәк мәрдликлә јеринә јетирмиш, 2 әмәкдаш гәһрәманҹасына һәлак олмушдур.
Һадисә јериндән мадди сүбут кими хејли сајда автомат силаһ, әл гумбарасы, сојуг силаһлар вә с. ҝөтүрүлмүшдүр. Ҹинајәткар дәстәнин, Талеһ Бағыров башда олмагла 14 үзвү сахланылараг истинтага тәгдим едилмишдир.
Факт үзрә Азәрбајҹан Республикасынын Баш Прокурорлуғу тәрәфиндән ҹинајәт иши башланылараг истинтаг апарылыр.
Ҹинајәтин бүтүн иштиракчыларынын, о ҹүмләдән бу силаһлы ҹинајәткар дәстәјә көмәклик едән шәхсләрин мүәјјән едилиб тутулмасы вә мәсулијјәтә ҹәлб едилмәси үчүн әмәлијјат-ахтарыш тәдбирләри вә истинтаг һәрәкәтләри һәјата кечирилир.
Өлкәнин һүгуг мүһафизә вә хүсуси хидмәт органлары тәрәфиндән бу ҹүр һадисәләрин гаршысынын вахтында алынмасы, формалашан истәнилән мүтәшәккил ҹинајәткар дәстәнин вә ја ҹинајәткар бирлијин дәрһал зәрәрсизләшдирилмәси истигамәтиндә тәдбирләр бундан сонра да гәтијјәтлә давам етдириләҹәк”.
Диггәт: Хәбәрдән истифадә етдикдә мәнбәјә истинад лазымдыр
