Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы президенти ҝәлән ҝүнләрдә Франса илә тиҹарәт анлашмаларынын имзаланаҹағындан хәбәр вериб.
Мәлумата ҝөрә, Иран Ислам Республикасы президенти Һәсән Руһани Еуропе 1 радиосу вә Франсанын 2-ҹи телеканалы илә мүсаһибәдә билдириб: “Ҝәлән бир нечә ҝүн әрзиндә ИИР вә Франса тиҹарәт саһәсиндә анлашмалар имзалајаҹаглар.”
17 нојабр Авропа сәфәри чәрчивәсиндә Франса президенти Франсуа Олландла ҝөрүшмәси гәрара алынан Руһани ҹәнаблары дејиб: “Франсаја сәфәрдән өнҹә нәглијјат, кәнд тәсәррүфаты, сәнаје, хүсусилә дә автомобил саһәсиндә мүзакирәләр апарылыб.”
Ислам Республикасынын Франсадан Аирбус тәјјарәси алмаг нијјәтиндә олдуғуну билдирән Руһани әлавә едиб: “Иран Ислам Республикасына тәјјарә сатан диҝәр ширкәтләр дә вардыр.”
Диггәт: Хәбәрдән истифадә етдикдә мәнбәјә истинад лазымдыр
