Сон бир нечә ҝүдә дини ҹамиәјә гаршы төрәдилән өзбашыналыға гаршы халгын мүхтәлиф катигоријалары өз етиразларыны билдирдиләр. Истәрдим өз нөвбәмдә бу мәсәләјә башга бир асбектдән јанашам. Чүнки мүһүм бир мәсәләнин санки халгын вә һакимијјәтин диггәтиндән јајыдығыны мүшаһидә едирәм. Бунун үчүн дә сөзүм һәм халгын инанҹлы тәбәгәсинә һәм дә һаким даирәләрә үнванланыр.
Ајпара.тв хәбәр верир ки, буну арашдырмачы - илаһијјатчы Әкрәм Һаҹызадә илаһијјатчыларын сахланмасы вә диндарларла полис арасында өтән ҝүн јашананларла бағлы ачыгламасы заманы дејиб.
Әкрәм Һаҹызадә билдирди ки, бу һәбсләрин вә гадағаларын диҝәр вә гачылмаз тәрәфи зоракылыгла мәшғул олан адијјаты оргаларын ҹәмијјәтин инанҹлы тәбәгәсиндә гыҹыгланма вә агресија јаратмасыдыр. Санки буну биләрәкдән едирләр...
Инсанлар дүзҝүн вә ја јанлыш сијаси ҝөрүшә саһиб ола биләр вә фикир ајрылығы нормалдыр. Һәтта бәзи сијаси аддымларда һаҹы Тале илә ортаг фикирә саһиб олмаја биләрәм. Амма вәтәндаш һүгугларынын мүһафизәсиндә дурмаға борҹлу олан бир органда, һансыса етиразына ҝөрә бир руһани вә иҹтимаи хадимин һүгугларынын кобудҹасына позулмасы, үстәлик физики вә мәнәви тәҹавүзә мәруз галмасы јолверилмәздир. Бу өзбашыналыг вә репресијаны биз мәлум Ҝәнҹә һадисәләриндә дә ҝөрдүк вә сон ҝүләрдә дини атрибутлары тәмсил едән бајрагларын гадағасы вә.с дини гадағаларда да мүшаһидә етмәкдәјик.
Мәмурларын бу тип өзбашына ишләри халг илә һакимијјәти үз-үзә гојмагдыр....
Мәмурларын бу кими кобуд рәфтарлары, ја онларын һәдсиз дүшүнҹәсизлијинин ја да һакимијјәтә гаршы мәгсәдјөнлү хәјанәтинин ҝөстәриҹисидир. Бу рәфтары дар дүшүнҹәнин мәһсулу кими гијмәтләндирмәјимин сәбәби, онун бир јумруг илә һансыса руһанини тутдуғу јолдан дөндәрә билмә хүлјасыдыр вә һәтта буну дүшүнмәк белә ҝүлүнҹдүр. Хаин демәјимдә мәгсәд исә, бу тип өзбашына мәмурларын халг илә һакимијјәти үз-үзә гојма һәдәфләридир. Сон МТН олајлары вә бир чох ҝизли мәгамларын үзә чыхмасы исә, бу ишләрдә хаин әли олмасыны дүшүнмәјә әсас верир. Бунун үчүн дә, дини ҹамиәнин емосијалар илә ојнајараг һакимијјәт дахили бошлуғун јарадылмасы үчүн аддымларын атылмасы да истисна еилмир. Чүнки игтисади вә сијаси бөһран јашајан һакимијјәтә дә өлкәдахили хаос хејир етмир.
Рәсми даирәләрин бу тип хошаҝәлмәз аддымларына гаршы һакимијјәтин сусгуннлуг нүмајиш етдирмәси, дурмадан артмагда олан халгын инаҹлы тәбәгәсиндә бирбаша һакимијјәтә гаршы нифрәт һиссләри ојадыр. Дөвләт структурларынын конститусијаны кобутҹасына поздуғуну ҝөрән халгдан исә, ганунлара риајәт етмә ҝөзләнтиси әбәсдир. Нәтиҹә етибары илә јаранан анархија исә, нә һакимијјәтә нә дә халга хош вәдләр верир.
Амма бу шәраитдә нә етмәк лазымдыр? Бунунла иш битирми? Бәс проблемләримиз һәлл олдуму?
Амма мәсәләләрә һәртәрәфли нәзәр етсәк, һәр бир һалда бу амансыз гадағаларын дидарларын хејиринә сонландығыны чох асанлыгла ҝөрә биләрик. Руһән јатмыш инаҹлы тәбәгәдә ајыглыг, онлар арасыда вәһдәт, динләриндә даһа да мөһкәм олмалары, халгын өз дини дәјәрләринә гаршы даһа да мүһафизәкар олмасы вә.с мүсбәт ҹәһәтләри инкишаф етдирән, мәһз бу тип репресијалардыр. Сизҹә тез-тез ишләнән вә спесифик өн јарғыја малик олан “мүгавимәт”, “исламчылыг”, “шәһадәт”, “зилләт биздән узагдыр” вә.с кәлмәләр нә замандан ҹаламаға башлады? Әҝәр гадаға вә һәбсләр мәсәләни һәлл етмәк игтидарында идисә, нијә әкс нәтиҹә верир? Демәли диндарлара гаршы зоракылыгдан илк вә ән чох әзијјәт чәкән, елә дини өз креслосу үчүн тәһлүкә биләнләрдир.
Амма бу шәраитдә нә етмәк лазымдыр? Бунунла иш битирми? Бәс проблемләримиз һәлл олдуму? Нәтиҹә етибары илә һансы налијјәтләр әлдә етдик? Әҝәр бу дејиләнләр шуар олараг дилимиздә галарса, адиләшиб арадан ҝедәҹәкдир. Дүшүнүрәм ки, бу уғурлар дүзҝүн истигамәтә јөнәлдилмир. Бунун исә мүхтәлиф сәбәбләри ола биләр...
Диҝәр тәрәфдән исә, чох сајда мөһкәм әгидәли, шүҹааәтли вә ејни заманда саф етиразчы диндарлардан максимум суи истифадә етмәјә чалышан һакимијјәт дахилиндә интигам ардынҹа олан гүввәләр вә бу базаны ҝөрәрәк ағзы суланан мүхалиф ҝөрүшә саһиб бәзи сијаси дәлларларын бу етиразларын өз мәнфәәтләринә тәрәф истигамәтләндирә билмәси, чох тәәссүфләндириҹи һалдыр. Бу мәсәләдә һәм һакимијјәт вә һәм дә диндарларын апарыҹы шәхсләри максумум диггәтли олмалыдыр. Һакимијјәт гашынмајан јердән га чыхартмагла өз әли илә өзүнә гују газмамалы, диндарлар исә һәр јағлы вәдләрә алданараг һијләҝәрләрин јеминә чеврилмәмәлидирләр. Тәәссүфләр олсун ки, бәзи һаким даирәләр өлкәмиздә рифаһ вә әмин-аманлығын әлејһинә олан сиоизмин дигтәси илә заманында јалыш дүшүндүләр вә ејни заманда кифајәт гәдәр јанлыш аддым атдылар вә атырлар.
Сонда исә өзләрини кимләрәсә ҝөстәрмәк наминә әл-гол атан пагонлулара хатырлатмаг истәјирәмки, бу јумругларын вә јашлы гојдуғу ҝөзләрин һесабына “ҝенерал” рүтбәси аланлар, инди хаин ады илә јоха чыхардылыблар. Әҝәр тарихдән ибрәт алмасаныз, бу ҝүн гаршыныздакы мәһкумларын сабаһ башыныза һаким кәсилмәси, сизин үчүн даһа аҹынаҹаглы олаҹаг.
Диггәт: Хәбәрдән истифадә етдикдә мәнбәјә истинад лазымдыр
