Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Москванын мәркәзи Мәсҹидиндә Кәрбәла шәһидләри анылыб.
Мәлумата ҝөрә, Аллаһ евинә топлашан мүсәлманлар әввәлҹә "Гурани-Кәрим"и динләјибләр.
Даһа сонра танынмыш Илаһијјатчылар о ҝүнүн ағры-аҹыларындан данышыблар.
"Әһли-бејт" ҹәмијјәтинин сәдри Низами Балоғланов, Илаһијјатчы Маһир Һәзијев ве диҝәрләри Имам Һүсејнин (ә) Ислам тарихиндә тутдуғу мөвгедән, Ислама вердији төһфәләрдән данышыблар.
Мөминләрә Кәрбәла мүсибәти барәдә мәлумат верән натигләр о ҝүнүн әзаблары вә ағры-аҹыларына һәр кәсин ҝөзјашы төкдүјүнү билдирибләр.
Илаһијјатчы Маһир Һәзијев Имам Һүсејн (ә) фаҹиәсини "Ислам тарихинин ән бөјүк ҹинајәти" адландырыб, Имамын (ә) ганы, ҹаны илә динимизи, пејғәмбәрләрин һәдәфини хилас етдијини билдириб.
Илаһијјатчы, тарихи фаҹиәләрин, о ҹүмләдән Гарабағы фаҹиәсинин, милләтинин намусу үчүн баласындан кечән ананын унудулмадығыны диггәтә чатдырыб.
Сонда Мәсҹидә ҝәлмиш рөвзәханларын иштиракы илә мәрсијјәләр дејилиб, Мәсҹидә топлашанлар имам Һүсејн (ә) еһсанына дәвәт олунублар.
Диггәт: Хәбәрдән истифадә етдикдә мәнбәјә истинад лазымдыр
