Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда вәһһаби террорчуларынын баш алыб ҝетдијини, өлкә һүдудларындан кәнарда минләрлә ҝүнаһсыз инсанларын башларынын кәсдијини гулаг ардына вуран Азәрбајҹан Мәдәнијјәт вә туризм назири Әбүлфәс Гарајев журналистләрә јерли мәтбуатда Азәрбајҹанда ВИП туризм саһәсинин инкишафы вә әрәб шејхләринин (админ: үмүдүнја вәһһаби террорчуларынын спонсурларынын) Аран зонасында ов етмәси үчүн Азәрбајҹана ҝәлмәси илә бағлы јазылан мәлуматлара мүнасибәт билдирәркән дејиб: “Мән бурада гануна зидд һәрәкәт ҝөрмүрәм”.
Әбүлфәс Гарајев дејиб: “Һесаб едирәм ки, һансыса имканлы адамлар Азәрбајҹана ҝәлиб бурда вәсаит хәрҹләјирләрсә вә бу вәсаит инсанларын малијјә дөвријјәсинә дахил олурса, биз буна севинмәлијик”.
Хатырладаг ки, Дубајын вәһһаби шаһзадәси Һәмдан бин Мәһәммәд бин Рәшидин бир нечә ҝүн әрзиндә Азәрбајҹанын Саатлы рајонунда ов етмәси Аазәрбајҹан Еколоҝија вә Тәбии Сәрвәтләр Назирлијинин мүвафиг гурумларынын әмәкдашлары тәрәфиндән арашдырылыб.
Еколоҝија вә Тәбии Сәрвәтләр Назирлији һадисәјә оператив реаксија вериб. Арашдырмалар заманы мәлум олуб ки, Вүсал Ағајев адлы шәхс билаваситә вәһһаби шејхләрини мүшајиәт едиб, онларын Азәрбајҹанда ҝәзинтисини, истираһәтини, ов мәгсәди үчүн гушлара тәлим кечмәләрини вә ов етмәләрини тәшкил едиб. Лакин бу шәхс ганунамүвафиг гајдада лисензија алынмасы үчүн ЕТСН-нин аидијјәти гурумларына мүраҹиәт етмәјиб.
Диггәт: Хәбәрдән истифадә етдикдә мәнбәјә истинад лазымдыр
