Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин халгы Интифадә ады илә, өлкәләрини ишғал етмиш јәһуди террорчуларына гаршы сојуг силаһлар илә гијама галхыблар.
Сон мәлуматлара ҝөрә, Иордан Чајынын Гәрб Саһилләри јәһудиләрин ҹәһәнәм кабусуна чеврилиб. Белә ки, Удеј Һашим Мусалимә адлы 24 јашллы Фәләстинли ҹаван әл Хәлил рајонун Бејту Әва мәнтәгәсиндә сионст ишғалчыларына һүҹум чәкәрәк бчагла бир әскәри јараладыгдан сонра јәһуди әскәрләри тәрәфиндән ҝүлләләнәрәк Шәһид едилиб.
Гејд едәк ки, Интифада сөзү Әрәб сөзүдүр, мәнасы ајаға галхмаг, мүгавимәт демәкдир, үмумиликдә фәләстинлиләрин исраил ишғалина гаршы башлатдығы мүгавимәтин ады.
Бу ҝүнә кими Фәләстинлиләрин ики Интифазәси олуб.
Илк Интифада
Исраил ишғалына гаршы әрәб халгынын мүгавимәти характерини дашыјан илк Интифада, 1987-ҹи илдә башланды. Биринҹи Интифада, күтләви олараг фәләстинлиләр, Исраил дөвләтинә гаршы галхды. Мүгавимәт Жабалиа гачгын дүшәрҝәсиндә башланды вә гыса мүддәтдә Гәзза, Иордан Чајынын Гәрб Саһили вә Шәрги Гүдсүн һәр јеринә јајылды. Фәләстинлиләр митингләрлә шиддәтли мүгавимәт ҝөстәрирди. Үмуми амалдан әлавә, Исраил мәһсулларына бајкот, плакатлар вә барикадалар, гејрилегал Исраил ишғалчы гүввәләрин зиреһли машын вә танкларына даш атмалар бејнәлхалг аләми сиркәләди. Ишғалчы јәһуди ордусунун митингләрә сәрт мүгавимәти, дөјүлмәләр, шиддәт вә күтләви һәбсләр, бејнәлхалг гынаға сәбәб олду. 1991-ҹи илдә зәифләјән мүгавимәт, 1993-ҹү ил август ајында Норвечдә Фәләстин мухтаријјәтинин гәбул етдији Осло разылашмасынын имзаланмасы илә сона чатды.
Икинҹи Интифада
Фәләстинлиләр тәрәфиндән әл-Әгса-Интифада олараг адландырылан икинҹи интифада, јәһудиләр сырасында “булдозер” ады илә мәшһур олан ганичән Ариел Шарон тәрәфиндән Фәләстинлиләрин әл-Әгса Мәсҹидини зијарәт етәсинә гојдуғу гадағадан сонра фәләстинли вәтәнпәрвәр груплар тәрәфиндән, 2000-ҹи ил ијун ајында башладылды.
Әввәлҹәдән "силаһли бир мүгавимәт" олан вә гыса заманда Фәләстин әразисинин сәрһәдләрини ашараг Исраилә гәдәр јајылан икинҹи Интифада 2005-ҹи ил феврал ајында, Мисирин Шарм Әл-Шејх кәндиндә, Маһмуд Аббас вә Ариел Шарон арасындакы атәшкәс разылашмасы илә "рәсми олараг" сона чатды.
Үчүнҹү Интифада исә, 2015-ҹи илин Октјабр ајында ганунсуз исраил режими тәрәфиндән Фәләстинлиәрә әл Әгса Мәсҹидини зијарәт етмәләринә гојулан гадағалардан сонра башлајыб.
Диггәт: Хәбәрдән истифадә етдикдә мәнбәјә истинад лазымдыр
