Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш ҹүһүд режиминин һәрбичиләри Гүдс шәһәринин Бабул Амуд мәнтәгәси јахынлығында 14 јашлы Фәләстинли јенијетмә ушаға одлу силаһдан атәш ачараг Шәһид едибләр.
Ишғалчы гүввәләр журналистләрин һадисә јеринә јахынлашмасына изн вермәјибләр. Шәһидин ҹәназәси бир нечә саат јер үзәриндә тохунулмаз вәзијјәтдә галыб.
Һал шаһидләринин билдирдијинә ҝөрә, Шәһид Бисам Сәдр силаһсыз олуб. Вә һеч бир тәһлүкә јаратмадан сионист гүввәләринин һәдәфинә туш ҝәлиб.
Гејд едәк ки, артыг 1 ајдыр ки, Фәләстинин 3-ҹү ИНТИФАДӘ-си башланыб. Рәсми статистикаја ҝөрә, бу ҝүнә кими 30 –дан артыг Фәләстинли Шәһид едилмиш, 1500-дән чох ҝүнаһсыз инсан мүхтәлиф дәрәҹәли бәдән хәсарәтләри алараг јараланыб. Ишғалчы режим тәрәфиндән исә, 4-дү забит олмагла 11 јәһуди һәрбичиси мәһв едилмиш 100- дән артыг сионист исә мүхтәлиф дәрәҹәли бәдән хәсарәтләри алмышдыр.
Хатырладаг ки, Фәләстинин 1-ҹи ИНТИФАДӘ-си 08, Декабр, 1987-ҹи илдә башлајыб.
Диггәт: Хәбәрдән истифадә етдикдә мәнбәјә истинад лазымдыр
