Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дини Гурумларла Иш үзрә Дөвләт Комитәси Шәмкир рајону, Зәјәм кәндиндә Мәсҹид тикинтисинин дајандырылмасына бәраәт газандырды.
Белә ки, бу барәдә Дини Гурумларла Иш үзрә Дөвләт Комитәси бәјанат јајымлајараг билдириб: “Билдиририк ки, истәнилән објектин, о ҹүмләдән дини ибадәт јеринин тикинтиси мөвҹуд ганунвериҹилик әсасында апарылмалыдыр. Бу, һүгуг мәсәләси олмагла јанашы, һәм дә мәнәвијјат, һалаллыг мәсәләсидир. Дини ибадәт јеринин тикинтисинин вә мөвҹуд дини ибадәт јеринин јенидән гурулмасынын (бәрпасынын, әсаслы тәмиринин) мәгсәдәујғунлуғу барәдә рәј верилмәси һаггында норматив сәнәдләр вар вә бүтүн просесләр бу тәлимата ујғун апарылмалыдыр...
Шәмкир рајону Зәјәм кәндиндә мөвҹуд фактла әлагәдар ону да билдиририк ки, тикинти ишләри дајандырылыб вә һазырда мүвафиг гурумлар тәрәфиндән арашдырмалар апарылыр.”
АБНА- Хәбәр Аҝентлијинә дахил олан мәлумата ҝөрә, Азәрбајҹан диндарлары хүсуси илә дә, Шәмкир рајон диндарлары Мәсҹидин сәнәди илә бағлы апарылаҹаг ишләрә һеч бир етиразлары јохду, бүтүн етиразлар мәһз Мәсҹидин ҝүнбәзинин сөкүлмәси илә бағлыдыр- фактын сону.
Диггәт: Хәбәрдән истифадә етдикдә мәнбәјә истинад лазымдыр
