Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија ҝәмиләри гондарма “ИШИД” адлы сәләфи екстремист груплашмасынын мөвгеләрини Сурија әразисиндә атәшә тутуб.
Бу барәдә Русија президенти Владимир Путин илә ҝөрүшдә мүдафиә назири Серҝеј Шојгу билдириб.
Атышмаја Хәзәр донанмасынын ҝәмиләри ҹәлб едилиб.
Мүдафиә назири вердији ачыгламада гејд едиб: “Бу ҝеҹә Русијанын Һәрби дәниз донанмасынын ҝәми зәрбә групу Хәзәр дәнизи акваторијасынын тәјин едилмиш бөлҝәсиндән Суријанын әразисиндә јерләшән ИШИД инфраструктурларына дәниз базалы комплексдән дөрд ракет ҝәмиси 11 һәдәф үзрә дәниз базалы 26 ганадлы ракет бурахыб. Објектив нәзарәтин мәлуматына әсасән бүтүн һәдәфләр мәһв едилиб, мүлки објектләр зәдәләнмәјиб”.
Серҝеј Шојгу даһа сонра изаһ едиб ки, һәдәф мәрми вә партлајыҹы гурғулар истеһсал едән заводлар, команданлыг мәнтәгәләри, силаһ, сурсат вә јанаҹаг-сүрткү материаллары анбарлары, еләҹә дә террорчуларын тәлим дүшәрҝәләри олуб...
Гејд едәк ки, ракетләр Иран Ислам Республикасы вә Ирагын һава сәрһәдләри үзәриндән кечәрәк Суријаја дахил олуб.
Диггәт: Хәбәрдән истифадә етдикдә мәнбәјә истинад лазымдыр
