Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын президенти Һөҹҹәтүл Ислам вәл Мүслимин Доктор Һәсән Руһани Мәккәдә һәҹҹ заманы иранлыларын һәлак олмасы илә әлагәдар БМТ Баш Ассамблејасына сәфәрини јарымчыг гојараг, Теһрана гајыдыб.
“Нју-Јорка ҝәлдији вахтдан президент Минадакы һадисәләри вә һәлак олан, јараланан иранлы зәвварлар барәдә хәбәрләри диггәтдә сахлајыб”, - ИРНА аҝентлији ИИР президентинин мәтбуат хидмәтиндән ситат ҝәтирир.
Һәлак олан иранлы зәвварларын олдуғу илк тәјјарә Теһрана сабаһ, сентјабрын 29-да ҝәләҹәк, буна ҝөрә дә, Руһани АБШ-ы сентјабрын 28-дә тәрк едиб.
Гејд едәк ки, сон мәлуматлара ҝөрә Мәккәдә баш верән фаҹиәдә 169 иранлы өлүб, бу өлкәнин даһа 300 вәтәндашы иткин дүшәнләр арасындадыр.
Диггәт: Хәбәрдән истифадә етдикдә мәнбәјә истинад лазымдыр
