Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Әрәбистанын Јәмәнә олан һүҹумлары беjнәлхалг етиразлар илә үзләшсә дә, Сәудиjjә гырыҹылары Јәмәнин мүхтәлиф мәнтәгәләринә олан һүҹумларыны давам етдирирләр.
Әл-Мәсирә телеканалынын мәлуматына ҝөрә, Әрәбистан гырыҹылары Јәмәнин паjтахты Сәнада "Фәрзә Ноһум" мәнтәгәсини 4 дәфә бомбардман едиб.
Һәмчинин, Әрәбистан ордусу Сәдә вилаjәтиндә jерләшән Разеһ шәһәринә ракет зәрбәләри ендириб. Бу һүҹумлар заманы бир груп сивил инсан jараланыб.
Диҝәр тәрәфдән Јәмән ордусу вә халг гүввәләринин ракет бөлмәләри Әрәбистанын тәҹавүзләринә ҹаваб олараг, Әрәбистанын ҹәнубунда, ҸИзан вилаjәтиндә jерләшән Хәләф әл-Дәһрә һәрби базасыны ракет илә һәдәфә алыблар.
Јәмән мәнбәләри билдирирләр ки, ордувә халг гүввәләри өлкәнин ҹәнубунда, Иб вилаjәтиндә Рәзмә мәнтәгәсинә доғру ирәлиләjибләр.
Башга бир мәлумата ҝөрә, Јәмән гәбиләләри өлкәнин гәрбиндә jерләшән Һәдидә вилаjәтинин шималында, Әрәбистанын тәҹавүзләрини дурдурмаг мәгсәди илә стратежи сечимләрин едилмәси илә разылашыблар.
Јәмәнин шималында, Имран вилаjәтинин Мудан мәнтәгәси сакинләри дә аксиjа кечирәрәк, Әрәбистанын тәҹавүзләринә гаршы мүбаризә апармаға һазырлыгларыны елан едибләр.
Диггәт: Хәбәрдән истифадә етдикдә мәнбәjә истинад лазымдыр
