Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, 48 миндән чох инсан Нетанjаһунун һәбсини истәjир
Бөjүк Британиjа парламентинин рәсми интернет саһифәсиндәки мүраҹиәтләр бөлмәсинә jерләшдирилән Исраилин баш назири Бенjамин Нетанjаһунун һәбсинә даир гәтнамә лаjиһәсинә 48 миндән чох инсан дәстәк вериб.
Гәтнамә мүәллифләри билдирир ки 2014-ҹү илдә Гәзза золағында ики миндән чох инсанын өлүмүндән билаваситә Нетанjаһу ҹавабдеһдир вә бу сәбәбдән о һәбс олунмалыдыр.
Гаjдалара әсасән, 10 миндән чох инсанын дәстәкләдиjи һәр бир сәнәд британиjанин рәсми органлары тәрәфиндән диггәтә алыныр.
Хатырладаг ки, 2014-ҹү илдә 50 ҝүн давам едән һәрби әмәлиjjатлар нәтиҹәсиндә Фәләстин тәрәфдән 1462-си мүлки вәтәндаш олмагла 2251 нәфәр, Исраил тәрәфдән исә, 6-сы мүлки вәтәндаш олмагла 73 нәфәр өлдүрүлмүшдү.
Диггәт: Хәбәрдән истифадә етдикдә мәнбәjә истинад лазымдыр
