Әһли Бејт (әлејһимус сәлам) АБНА- Хәбәр Аҝентлији-нин вердији хәбәрә әсасән, Мисир тәһлүкәсизлик әмәкдашларынын билдирдијинә ҝөрә, өтән ҝүн Гаһирә Али Мәһкәмәсинин јени истисмара верилмиш бинасы јахынлығында партлајыш акты гејдә алыныб. Һадисә заманы ики полис әмәкдашы вә бир нәфәр сивил ағыр дәрәҹәли бәдән хәсарәти алараг јараланыб.
Һадисәдән аз сонра тәһлүкәсизлик гүввәләри вә партлајыҹы маддәләр үзрә мүтәхәссисләр һадисә јеринә ҝәләрәк ахтарышлар апармыш вә даһа бир бомба гурғусу ашкарлајараг гурғуну зәрәрсизләшдирәјә наил олмушлар.
“Әҹнадул Миср” (Мисир Гошунлары) адлы сәләфи әгидәли террор груплашмасы твиттердә бәјанат јајымлајараг баш вермиш һадисәнин мәсулијјәтин өз өһдәсинә ҝөтүрүб.
Гејд едәк ки, “Әҹнадул Миср” террор груплашмасы Ихванул Муслимин вә Мисирин сабиг сәләфи әгидәли президенти Муһәммәд Мурсинин гаты тәрәфдарларындан сајылырлар. Бу груплашма әсасән пајтахт Гаһирәдә актив фәалијјәт ҝөстәрир вә бу ҝүнә кими полисә гаршы хејли сајда ганлы әмәлијјатлар һәјата кечириб.
Диггәт: Хәбәрдән истифадә етдикдә мәнбәјә истинад лазымдыр.
