Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын рәһбәрлији мүгәддәс Рамазан бајрамы мүнасибәтилә халгымызы, бүтүн дүнја мүсәлманларыны тәбрик едир.
Тәбрикдә дејилир:
Әзиз мүсәлман баҹы вә гардашларымыз, он бир ајын султаны Рамазан ајы баша чатыр.
Сизләри Аллаһын зијафәт ајынын баша чатмасы, мүгәддәс Рамазан бајрамы мүнасибәтилә тәбрик едирик. Аллаһ бу ајда тутдуғунуз оруҹу, гылдығыныз намаз вә етдијиниз ибадәти гәбул етсин. Улу јараданымыз бу ајын рәһмәт вә бәрәкәтиндән Сизләри бинәсиб етмәсин. Рәһмәт ајынын вәһдәт вә пајлашма әмәлләриниз аиләләринизә, улу халгымыза хошбәхтлик вә фирәванлыг ҝәтирсин иншааллаһ.
Нөвбәти Рамазан ајына кими Гарабағымыз, о ҹүмләдән ишғал олунмуш бүтүн мүсәлман торпаглары мәнфур дүшмән тапдағындан азад едилсин, һәмин мәнтәгәләрдә Ислам бајрағы далғалансын.
Рамазан ајы һәм дә бәрәкәт ајыдыр. Евләриниз абад, сүфрәләриниз һәмишә бәрәкәтли олсун.
Сизләри бир даһа Рамазан вә Фитр бајрамы мүнасибәтилә тәбрик едир, Танрыдан һәр биринизин нөвбәти Рамазан ајына јетишмәнизи диләјирик.
Азәрбајҹан Ислам Партијасы
Диггәт: Хәбәрдән истифадә етдикдә мәнбәјә истинад лазымдыр
