Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ишғалчы ермәни силаһлы бөлмәләри ҹәбһәнин мүхтәлиф истигамәтләриндә иричаплы пулемјотлардан истифадә етмәклә сутка әрзиндә атәшкәс режимини үмумиликдә 95 дәфә позуб.
Мүдафиә Назирлији билдирир ки, Ермәнистан Республикасы Нојемберјан рајонунун Довех кәндиндә јерләшән мөвгеләрдән Газах рајонунун Кәмәрли кәндиндә јерләшән мөвгеләримиз атәшә мәруз галыб.
Ермәнистанын Берд рајонунун Ајгепар кәндиндә јерләшән мөвгеләрдән исә Товуз рајонунун Әлибәјли кәндиндә јерләшән мөвгеләримизә атәш ачылыб.
Һәмчинин Ермәнистанын Красноселск рајону әразисиндәки адсыз јүксәкликләрдә јерләшән мөвгеләрдән Ҝәдәбәј рајону әразисиндәки адсыз јүксәкликләрдә јерләшән мөвгеләримиз атәшә тутулуб.
Бундан әлавә, Ермәнистанын ишғалы алтында олан Азәрбајҹанын Ҝоранбој рајонунун Талыш, Ҝүлүстан, Тәртәр рајонунун Ҝөјарх, Ағдам рајонунун Нәмирли, Шураабад, Шыхлар, Ширванлы, Ҹәваһирли, Сарыҹалы, Гарагашлы, Мәрзили, Хоҹавәнд рајонунун Куропаткино, Фүзули рајонунун Горган, Гараханбәјли, Һорадиз, Ашағы Сејидәһмәдли, Ҹәбрајыл рајонунун Меһдили кәндләри јахынлығында, һәмчинин Ҝоранбој, Хоҹавәнд, Фүзули вә Ҹәбрајыл рајонларынын әразисиндәки адсыз јүксәкликләрдә јерләшән мөвгеләрдән дә Силаһлы Гүввәләримизин мөвгеләри атәшә тутулуб.
Диггәт: Хәбәрдән истифадә етдикдә мәнбәјә истинад лазымдыр
