Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәдә фәалијјәт ҝөстәрән ИШИД-ә бағлы сајтлардан биринин редактору дүнән сәһәр саатларында Истанбул вә Коҹаели полиси тәрәфиндән һәбс едилиб.
ИШИД-чи, әслән азәрбајҹанлы олан Абдулгадир Полад дүнән сәһәр саатларында Истанбул Полис Идарәсинин Террорла Мүбаризә шөбәсинин әмәкдашлары илә Коҹаели Полисинин кечирдији бирҝә әмәлијјат заманы һәбс едилиб. Она гаршы һансы маддәләр ирәли сүрүләҹәји һагда дәгиг мәлумат верилмәсәдә, "террора дәстәк" маддәсилә мәһкәмәјә чыхарылаҹағы еһтимал олунур.
Јајылан рәсми мәлуматлара ҝөрә, Түркијә полиси 30 үнвана әмәлијјат кечирәрәк, 3-ү хариҹи вәтәндаш олмагла 24 нәфәри һәбс едиб. Сахланыланлар арасында ИШИД-чи, әслән азәрбајҹанлы олан, ИШИД-ә бағлы бир сајтын редакторларындан олан Абдулгадир Полад да вар.
Бу террор груплашмасына бағлы олан шәхсин истәр Түркијәдә, истәрсә дә Азәрбајҹанда дезинформасија вә тәхрибат долу јазылар јазмагла мәһшур олмушду. Азәрбајҹанда Ҝәнҹәдә баш вермиш олајда, шиәләри ҝүнаһландыран Абдуллаһ Полад, өлкәдә сүнни-шиә мәзһәбләрарасы гаршыдурма јаратмаға ҹәһд етмишди.
Онун бу "мәһшур ишләри"ндән башга, јолдашынын арвадыны гачырмасы да Түркијә медиасынын ҝүндәминә ҝәлмишди.
Һәтта бу шәхс һагда ИШИД-ин диҝәр түркдилли сајты олан "Такваһабер.нет" барәсиндә јазырды: "Әввәлләр сајтымызда редакторлуг едән, сонра да оғурлуг етмәјә чалышан, баҹармајанда да бизә тәглид едәрәк вә етибарымызы зәдәләмәјә чалышан оғру Әбдүлгәдир Полад бу дәфә дә достунун 5 ајлыг көрпәси олан кәбинли арвадыны гачырыб. Биздән говулдугдан сонра өзүнү "Ислам Дөвләти"нин (ИШИД) тәмсилчиси кими тәгдим едән, өзүнү "Ислам Дөвләти"нн Түркијәдәки медиа саһәсиндә тәк тәмсилчиси кими гәләмә верән, инсанлары интернет үзәриндән иттиһам едән бу шәхс достунун 5 ајлыг көрпәси олан кәбинли арвадыны гачырыб, нәтиҹәдә 5 ајлыг көрпә дә кимсәсиз галыб".
Гејд едәк ки, Абдуллаһ Полад "такваһабер.нет" сајтындан говулдугдан сонра ејни адлы доменин "ҹом" сонлуғу илә сајт ачмыш вә ИШИД-ә дәстәк мәлуматлары јајмаға башлајыр. Даһа сонра, бу сајт мәһкәмә һөкмү илә бағландыгдан сонра Полад бир нечә ишидчи илә бирликдә "Әнфал" адлы портал тәсис едир. "Такваһабер.нет" сајты илә араларында јаранан проблем ИШИД рәһбәрләри тәрәфиндән һәлл едилир. Абдулла Поладын достунун арвадыны гачырма хәбәри ИШИД-и ҝөздән салдығына ҝөрә, сајтдан силинир. Хәбәр сајтдан силинсәдә, ахтарыш моторларынын јаддашында галыб.
Диггәт: Хәбәрдән истифадә етдикдә мәнбәјә истинад лазымдыр
