Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исвечрә вә Австриjа Иранла апарылан нүвә данышыглары заманы ҝизли динләмәләр үчүн компjутер ҹасуслуғу илә бағлы иддиалары арашдырыр. Исвечрә прокурорлуғу истинтагын маj аjындан башландығыны тәсдигләjиб. Гурум һәмчинин Исвечрә әразисиндә хариҹи хүсуси хидмәт органларынын геjри-гануни фәалиjjәти илә бағлы шүбһәләрдән дә сөз ачыб вә билдириб ки, маjын 12-дә апарылан ахтарыш ишләри заманы бир евдә шүбһәли компjутер һиссәләри мүсадирә олунуб.
Австриjа прокурорлуғу да истинтаг апарылмасы фактыны тәсдигләjиб. Вjана ДИН нүмаjәндәсинин сөзләринә ҝөрә, илк нөвбәдә Иран вә 5+1 өлкәләри арасында данышыгларын апарылдығы Палаис Ҹобурҝ отели барәдә истинтаг тәдбирләри ҝөрүлүб.
Русиjада антивирусларын һазырланмасы үзрә «Касперски Лабораториjасы» компаниjасы бәjан едиб ки, Иранын нүвә дашыгларында ҹасуслуг үчүн Дугу вирусундан истифадә олунуб. Бу вирус 2010-ҹу илдә Иран нүвә програмынын саботажы үчүн Исраил тәрәфиндән истифадә олунан Стухнет вирусуна охшардыр.
«Касперски Лабораториjасы» һәмчини билдириб ки, Иран үзрә данышыгларын ҝетдиjи отелдә дә Дугу компjутер вирусу ашкарланыб. Бу вирусу мүкәммәллиjинә вә демәк олар ки, мүшаһидә олунмаjан активлиjинә ҝөрә мүәjjән етмәк чәтиндир.
«Касперски Лабораториjасы» әмәкдашлары өз шәбәкәләриндә бу вирусу ашкарлаjыблар. Онларын сөзләринә ҝөрә Дугу Гәрбдә, Јахын Шәргдә вә Асиjада һәдәфләрә гаршы истифадә олунур.
Хатырладаг ки, Австриjанын паjтахты Вjана, һәмчинин Исвечрәнин Лозанна вә Ҹеневрә шәһәрләриндә Иранла “алтылыг” өлкәләри арасында нүвә данышыглары илә бағлы мүзакирәләр һәjата кечирилиб.
Диггәт: Хәбәрдән истифадә етдикдә мәнбәjә истинад лазымдыр
