Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмән ордусу Сәудиjjә Әрәбистанынын ҹәнубунда ики сәрһәд мәнтәгәсинә нәзарәти әлә кечириб.
Сәһәр Беjнәлхалг Телевизиjасынын әл-Мәjадин телеканалына истинадла вердиjи мәлумата ҝөрә, Јәмәнин һәрби мәнбәләри бу ҝүн бу өлкә ордусу вә халг гүввәләринин Әрәбистанын Јәмәнлә сәрһәдиндә Ҹазан вилаjәтинин әл-Хубә бөлҝәсиндә әл-Дуд дағы вә әл-Гавиjәни әлә кечирдикләрини билдирибләр.
Јәмән ордусу вә халг гүввәләри бу ҝүн һәмчинин Ҹазанда Дәхан вә әл-Рәмиһ дағлары вә әл-Рәдиф сәрһәд постуна һүҹум едибләр.
Һәмчинин Әрәбистан өтән ҝүн Јәмән ордусу илә дөjүшләрдә ики һәрбчисинин өлдүрүлдүjүнү тәсдигләjиб.
Әрәбистан билдириб ки, һәрбчиләриндән ики нәфәри чәршәнбә ҝеҹә Ҹәнуби Ҹазан сәрһәдләринин әл-Һүррәс мәнтәгәсиндә jәмәнли сәрһәчиләрлә дөjүшдә өлдүрүлүб.
Диҝәр тәрәфдән Сәудиjjә Әрәбистаны гырыҹы тәjjарәләри өтән ҝеҹә бир даһа Јәмәнин ҹәнубунда Тәиз шәһәринә һүҹум едибләр. бу һүҹумда ән азы 10 нәфәр һәлак олуб, 110 нәфәр дә jараланыб.
Бу арада әл-Һәдәс телевизиjасы да билдириб ки, Јәмәнин фәрари президенти Әбд Рәббә Мәнсур Һадинин гүввәләринин команданларындан Мәһәммәд Һүсеjн Әшал бу өлкәнин ҹәнубунда Тәиз шәһәриндә Әнсаруллаһ Һәрәкаты гүввәләри илә дөjүшдә өлдүрүлүб.
Әшал Тәиз шәһәринин шәргиндә минаатандан ачылан атәш нәтиҹәсиндә өлүб.
Диггәт: Хәбәрдән истифадә етдикдә мәнбәjә истинад лазымдыр
