Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Али Баш Команданынын али мүшавири деjиб: Аjдындыр ки, Јәмән кими өлкәләр өз азадлыг вә мүстәгиллиjинә чатырлар вә сәудиjjәлиләрин елан етдикләри мәгсәдләри әлдә етмәсинин мәғлубиjjәти гәти олаҹагдыр.
Али Баш Команданын али мүшавири орду ҝенералы Јәһjа Сәфәви Иранын Тибб Елмләри Университетинин фәдакарларынын мүкафатландырылмасы мәрасиминдә деjиб: Һәр бир һөкумәтин әсаслы вә дәjишилмәз мәгсәди милли һакимиjjәти, дәjәрләри вә милли мәнафеjи, милли менталитети, өлкәнин әразиси вә мүстәгиллиjини горумагдыр. Мүһарибәләр бу әсаслы мәгсәди кәскин һәдәләjирләр вә мүһарибәләр бир халгын менталитетини дәjишдирә биләр.
Ҝенерал Сәфәви әлавә едиб: Һөкумәтләр вә халгларын өзләрини, өз өлкәләрини вә дәjәрләрини мүдафиә етмәләринә сәсәб олан мәсәлә, милли иззәт вә милли гүдрәтдир. "Дүшмәнләр билсинләр ки, Ислам Ингилабы вә гурулушун амаллары үзәриндә даjанан халгымызла мүбаризә апара блмәзләр" -деjә ҝенерал билдириб.
Ислам Ингилабынын Бөjүк Рәһбәринин али мүшавири беjнәлхалг вә реҝионал просесләри ачыглаjараг әлавә едиб: Мүгавимәт мәктәби олараг бир мәктәбин jарадылмасы имам вә ислам өвладларынын васитәси илә формалашды вә Ислами Оjаныш да ондан тәсир алды. Аjдындыр ки, Јәмән кими өлкәләр өз азадлыг вә мүстәгилликләринә чатырлар. Чохлу чәтинликләрә бахмаjараг Јәмән халгынын гәләбәси реаллашаҹаг вә сәудиjjәлиләрин елан етдикләри мәгсәдләри әлдә етмәсинин мәғлубиjjәти мүтләг баш верәҹәкдир.
Диггәт: Хәбәрдән истифадә етдикдә мәнбәjә истинад лазымдыр
