Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АНС ефириндә jаjымланан “Инҹә мараглар” верилишинин апарыҹысы Елнарә Тәһмәзованын чадралы ханымлары тәһгир етмәси илә бағлы мәсәләjә мүнасибәт билдириб.
Мәсәлә илә бағлы АНС-ин иҹтимаиjjәтлә әлагәләр шөбәсинин рәһбәри Маис Мәммәдов деjиб ки, апарыҹы конкрет кимисә тәһгир етмәjиб: “Чох адам чох шеj jаза биләр. Хошларына ҝәлмир бахмасынлар. Һамы инди тәләб едир. Ҝөзүмүз аjдын, нә гәдәр канал вар, башгасына бахсынлар. О апарыҹы конкрет кимисә тәһгир етмәjиб”.
М.Мәммәдов апарыҹыjа һеч бир хәбәрдарлығын олунмаjаҹағыны билдириб: “Мән баша дүшмүрәм, ниjә апарыҹыjа хәбәрдарлыг олунмалыдыр ки? Азад ширкәтин азад журналистидир. Сабаһ да деjәрләр ки, палтары хошларына ҝәлмир, буна ҝөрә биз кимисә ишдән чыхармалыjыг?”
Геjд едәк ки, “Инҹә мараглар” верилишинин апарыҹысы Елнарә Тәһмәзова чадра өртән ханымлары “баjгуш”а бәнзәдиб.
Диггәт: Хәбәрдән истифадә етдикдә мәнбәjә истинад лазымдыр
