Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 15 Шәбан мүнасибәтилә Кәрбәла шәһәринә ҝәлән зәвварлар Имам Һүсејнин (әлејһи сәлам) һәрәми башда олмагла һәзрәти Әбүлфәзлил Әббасын (әлејһи сәлам) мәзарыны зијарәт едибләр.
Зәвварлар әлләрини ҝөјә галдырараг Ираг Ордусу вә Көнүллү Халг Дәстәләринин дүшмән гүввәләри үзәриндә гәләбә чаламалары үчүн дуалар едибләр.
Диҝәр тәрәфдән Имам Һүсејн (әлејһи сәлам) вә Әбүлфәзлил Әббасын һәрәмләри тәрәфиндән Имам Заманын (Аллаһ онун шәрәфли ҝәлишини тезләшдирсин) мөвлудунун илдөнүмү ҝүнүндән 4 ҝүн өнҹә зәвварларын рифаһы вә тәһлүкәсизлијин тәмин едилмәси үчүн мүхтәлиф һазырлыг ишләри ҝөрмүшдүрләр.
Мәлумата ҝөрә, гејд олунан програм чәрчивәсиндә зәвварларын Имам Һүсејнин (әлејһи сәлам) һәрәминдән Әбүлфәзлил Әббасын (әлејһи сәлам) һәрәминә вә Әбүлфәзлил Әббасын (әлејһи сәлам) һәрәминдән Имам Һүсејнин (әлејһи сәлам) мәзарына дашынмасы үчүн 200 әдәд хүсуси машын ајрылмышдыр.
Диггәт: Хәбәрдән истифадә етдикдә мәнбәјә истинад лазымдыр
