Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа ордусу Идлибин әтрафында ирәлиләjәрәк ИШИД террорчуларынын Һәскә шәһәринә һүҹумуну зәрәрсизләшдириб вә Деjруз-Зур һәрби аеропортуну ишғал етмәк истәjән террорчулары накам гоjуб.
Суриjа ордусу ағыр силаһларла Идлибин әтрафында әл-Нүсрә Ҹәбһәси вә онун мүттәфигләринин мөвгеләрини һәдәфә алыб вә Идлибин әтрафындакы бөлҝәләрдә террорчуларын бир нечә мәркәзини мәһв едиб.
Суриjа ордусу гүввәләри истедадлы гүввәләр дивизиjасынын дәстәjи илә Гәзал вә Әәвәр тәпәләринә нәзарәти әлә кечирибләр. Еjни заманда Мәрҹ әл-Зәһур, Зиjадиjjә, Сәрасиф, әл-Зеjтун сәддинә гәдәр ирәлиләjиб, онларла террорчуну мәһв едиб вә бир групу да әсир ҝөтүрүбләр. Һәскәдә дә ИШИД террорчуларынын бу шәһәрә һүҹуму уғурсуз галыб вә орду гүввәләри индиjә гәдәр онларын бу шәһәрә һүҹумунун гаршысыны алыблар. Суриjа ордусунун бу ирадәси бу шәһәр әһалисинин ИШИД-лә мүбаризәдә ордуну дәстәкләмәсинә сәбәб олуб
Диггәт: Хәбәрдән истифадә етдикдә мәнбәjә истинад лазымдыр
